video
play-rounded-fill
3HMONGTV NEWS (01/23/2023) – Tamsim no, pejxeem Minnesota yuav tsum mus ua lawv daim Real ID vim txij lub 5 hlis hnub tim 7 mus, sawvdaws yuav tsum muaj daim Real ID thiaj li caij tau dav hlau. Yog tias nej tsis muaj daim Real ID, lawv require kom  nej muaj daim passport los sis daim Enhanced Drivers License los yog lwm yam ntaub ntawv approved los ntawm Federal Government. Yog xav paub ntau ntxiv mus saib ntawm drive. mn.gov.

Tamsim no nroog St. Paul yuav tsis pub neeg nyob thiab pw nyob ze ntawm Bruce Vento Sanctuary. Nyob rau ntawm qhov chaw no muaj Hmoob nyob coob. Nroog St. Paul has tias tsis muaj kev noj qab hauv huv rau cov neeg nyob ntawm qhov chaw no. Tsis tas li tamsim no los snow thiab no heev lawm, city tsis xav kom neeg muaj mob muaj nkeeg. Muaj coob leej nyob ntawm qhov chaw no tau hu tub ceevxwm vim yog kev rauv taws thiab muaj teebmeem ntau yam. Yog li no city thiaj li sau ntawv ceebtoom rau cov neeg nyob ntawm qhov chaw no kom tawm kom tas rau tagkis, 1/16. Kuj tsis paub tseeb tias city kom lawv mus nyob rau qhov twg los yog city puas muaj kev pab li cas rau cov neeg no.

Monday yuav los no yog Martin Luther King Day. Peb caw nej sawvdaws los koom nrog kev nco txog Dr. King thiab nws tus npau suav thiab zeem muag tiv thaiv tej kev ntxub ntxaug rau ib pab pawg neeg twg. Yuav muaj cov neeg tseem ceeb tuav hais lus. Peb yuav muaj neeg txhais lawv cov lus ua lub hmoob rau nej cov tsis paub lus Askiv.

Senator Tou Xiong raug xaiv los ua tus Co-Chair tuav lub rooj hu tias Senate State and Local Government Committee uas saib xyuas cov cai tuav cov government agencies. Senator Tou Xiong hais ntxiv tias nws zoo siab thiab npaj siab los tuav txoj haujlwm no nrog rau cov nomtswv kom cov program mus zoo rau tom ntej. Pab zoo siab rau Senator Tou Xiong.

Hide picture
Verified by MonsterInsights