Nyob rau lub 4/23/2025 Misty Her raug xaiv tau los tuav lub meejmom Superintendent nyob rau hauv Fresno Unified School District uas saib xyuas tag nrho cov tsev kawm ntawv nyob hauv nroog Fresno, xeev California. Misty los ua tus interim superintendent tau ib ntus tom qab superintendent Bob Nelson tawm mus ua haujlwm nyob hauv Fresno State University lawm. Thaum los xaiv lub meejmom no kuv muaj kev cov nyom vim ib txhia pom zoo kom xaiv tus neeg nyob sab nrauv es txhob cia cov neeg nyob hauv Fresno Unified los tuav lub meejmom no. Misty Her yog thawj tus neeg Asia thiab thawj tus pojniam hauv keebkwm Fresno Unified School District los tuav lub meejmom no. Fresno Unified School District yog ib lub ntawm 3 lub districts uas loj tshaj plaws nyob xeev California. Peb nrho zoo siab rau Misty thiab nws tsev neeg.
Nyob rau hnub hmos, 4/23 dhau los no, nyob xeev Minnesota, Minnesota Senate dhau ib tsab bill los ua kom Hmoob thiab Nplog cov qub tub rog tau txais qee yam kev pab los yog benefits. Khwv yees li ntawm 50 leej qub tub rog tuaj koom kev pov suab nyob hauv State Capitol. Senator Aric Putnam sawv cev nroog St. Cloud hais tias, tsis muaj leejtwg muaj cuab kav yuav piav tau dab neeg hauv xeev Minnesota yog tias tsis muaj dab neeg txog Hmoob.
Cov pab tsim cov ntawv kom muaj tsab bill no yog Senator Foung Hawj, Senator Susan Pab, thiab Senator Tou Xiong. Kev los tsim tsab bill no tsis yoojyim. Kuj muaj pab pawg Republican tsis pom zoo vim lawv hais tias Hmoob cov tug rog no yog mercenaries lossis cov tug rog xav kom tau nyiaj noj xwb tsis yog tub rog sawv los tuav tebchaws.
Raws li Senator Foung Hawj hais, cov benefits no yog xeev Minnesota muaj kev lees paub txog Hmoob thiab Nplog cov qub tub rog, muaj ib qho cim los yog special designation rau lawv daim drivers license, muaj ua kev cai tub rog thaum tag sim neej thiab muaj ib qho maim nyob rau lub hleb hais tias lawv yog tub rog. Lawv yuav tsim kom muaj ib lub task force los lim kom paub tseeb tias leejtwg yog tub rog tiag mam tau cov benefits no.
Tsab bill no dhau hauv Minnesota Senate xwb tiam sis yuav mus kom dhau rau hauv House rau lub 4/29 thaum 3:30 tav su. Dhau ntawv tsab bill yuav mus rau hauv Conference Committee ces mam mus rau Governor Walz kos npe.
Hmoob American tus ntxhais sau ntawv Kao Ka Lia Yaj tau yeej 3 daim ntawv qhuas xyoo no hauv Minnesota Book Awards uas nws yog ib tug yeej ntau qhov awards nyob rau ib xyoos twg. Nws 3 phau ntawv uas yog The Rock in My Throat, The Daimond Explorer, thiab Where Rivers Part, tau yeej Award xyoo no. Yog tias leejtwg tsis tau nyeem nws cov ntawv no, mus yuav los nyeem. Peb nrog zoo siab rau Kao Ka Lia.
Thaum kawg no, nyob rau lub 5/3/2025, Hmoob yuav qhib lub khw Pan Asian Center nyob hauv Maplewood Mall rau sawvdaws tuaj saib. Lawv yuav muaj txiav hlua los yog ribbon cutting, thiab kev lom zem thiab ntau yam. Lawv qhib rau txhua tus tuaj saib seb ho puas xav ua lag luam lossis tswv cuab. Lawv yuav qhib thaum 10 sawv ntxov txog ntua 3 teev tav su.
Nco ntsoo mus Subscribe rau 3HMONGTV hauv Youtube thiab raws peb nyob rau hauv Facebook.
