Muaj 126 lub suab pom zoo, 5 lub suab tsis pom zoo, txhais tau tias tsab bill los dhau mus lawm. Zoo siab tias tsab bill no tau dhau hauv House mus ces yuav mus rau hauv Conference Committee ces thaum kawg dhau mus rau Gov. Walz kos npe los ua cai lawm xwb.
Raws li hais los ntawm tsab bill, cov qub tub rog yuav tau txais ib qhov special designation rau lawv daim driver's license, ua kev cai tub rog thaum tag sim neej, muaj cim rau tom ntxa, thiab qeej yam benefits raws li tub rog hauv xeev Minnesota.
Hmoob cov qub rub rog tos tej yam benefits zoo li no tau 50 xyoo hnub no nomtswv xeev MN mam lees paub thiab muab qee yam benefits rau Hmoob yeeb vim yog muaj Hmoob cov tub ntxhais ua nom nyob hauv State Capitol.
Mloog cov lus hnub yeej tsim nyog tu siab vim coob leej tub tag sim neej tsis pom hnub no. Xyoo no txwm nkaus 50 xyoo Hmoob tuaj nyob rau tebchaws Asmeskas zaum no yog ua ib qho keeb kwm loj heev hauv Hmoob lub neej nyob xeev MN.
