Lub 5/14, nag hmo yog Hmoob SGU Remembrance Day nyog hauv xeev Minnesota. Hmoob SGU Remembance Day ib xyoos muaj ib zaug. Xyoo no vim yog 50 xyoo ntxwm nkaus Hmoob tsis teb tsaws chaw tuaj nyob rau tebchaws Asmeskas, lub koomhaum Hmong SGU Veterans and Families of USA nrog rau Hmoob 18 xeem los sib pab ua lub koobtsheej no. Peb yuav tso qhov xovxwm no ntev zog. Cia peb mus saib tau.
Xyoo no kuj muaj cov Ravens uas cov Asmeskas thaum ub laws tsav dav hlaus thauj khoom noj khoom haus mus pab rau pejxeem Hmoob thiab tshwj xeeb thaum Hmoob cov tub rog raug mob thiab cov tag sim neej rov los rau tsev neeg.
Tom qab kev hais lus thiab hawm cov tub rog SGU tag tim Minnesota State Capitol lawm, lawv los noj ib pluag mov thiab sib ntsib rau ntawm Unison Restaurant thiab Banquet Hall. Zaum no, muaj lawv li 5 lub koomhaum qub tub rog los ua ke zoo siab nco txog cov tag nrho cov qub tub rog.
\
Xyoo no ib xyoos tseemceeb, pom tau tias Hmoob nyob ntau lub xeev hauv tebchaws Asmeskas tsa muaj ntau lub koob tsheej zoo li no los nco txog cov qub tub rog SGU thiab nai phoo Vaj Pov. Nyob xeev Minnesota, xyoo no cov nomtswv Hmoob nrog rau cov nom tswv Asmeskas kuj dhau tsab bill hauv Senate thiab House los muab qee yam benefits nco txog Hmoob cov tub rog SGU. Vim yog qhov nov los ntxiv rau 50 xyoo Hmoob tuaj poob tebchaws Asmeskas thiaj li ua lub koobtsheej no muaj nqi thiab tshwj xeeb heev. Txawm yog li no los, muaj ntau tus qub rog twb tuaj koom tsis tau vim muaj mob lossis cov coob twb tag sim neej lawm.
