Tamsim no qhov xovxwm sib tua no tawm thoob plaws hauv Nplog thiab Thaib cov xovtooj cua nrhiav ntes tus txiv neej no. Raws li xovxwm tau tshaj tawm, cov txheeb ze ntawm tus ntxhais Kab Yeeb Thoj muab 50,000,000 kip nyiaj Nplog lossis raug nyiaj Asmeskas li ntawm $2, 300 tawm dollas rau tus neeg nrhiav tau Yeeb Lauj. Kev sib tua zaum no vim yog muaj lus sib cav sib ceg. Raws li cov lus tshaj tawm, Yeeb Lauj twb raug txim nyob tebchaws Asmeskas ces thiaj khiav mus nyob tebchaws Nplog lawm. Khub niam txiv no kuj muaj menyuam tseem yau.
Cov lus sawvdaws pheej noog yog vim li cas cov teebmeem sib tua zoo li no pheej muaj zuj zus tuaj nyob hauv tsev neeg Hmoob. Peb pom tau tias nyob xeev Minnesota kiag xwb twb muaj ntau qhov teebmeem feem ntau yog tus txiv tua leej niam xwb es yog vim li cas tsis muaj hau kev los cawm tau.
Yog hais tias leejtwg muaj kev tsis sib haum xeeb, sib cav sib ceg hauv vaj hauv tsev, muaj kev nyuaj siab dabtsi, txhob tag kev cia siab, mus tham rau koj cov txheeb cov ze lossis hu rau National Domestic Violence Hotline ntawm 800-799-7233 lossis text tau rau 88788 los yog mus saib ntawm lub websie no yog tias nej nyob tebchaws Asmeskas.
Nyob rau ntawm lub khw muag tseb Walser Hyundai hauv lub nroog Coon Rapids, xeev Minnesota, muaj ib qhov chaw nthuav tawm qhia txog Hmoob cov tsoos tsho los ntawm Npib Vaj. Peb yuav tso qhov xovxwm no ntev zog rau nej saib.
video
Lub tswv yim los ua li no yog los ua kom Asmeskas paub txog Hmoob vim cov paub los yeej paub lawm tiamsis tom qab Hmoob tuaj nyob tebchaws Asmeskas tau 50 xyoo, feem coob tseem tsis tau paub txog Hmoob zoo. Raws li Xyoob Vaj hais, qhov nov yog ib tseem ceeb vim xav kom cov thawj coj hauv khw muag tsheb loj paub ntxiv txog Hmoob vim Hmoob twb mus txhawb lawv los ntev lawm. Mus subscribe rau 3HmongTV hauv Youtube thiab caum peb hauv Facebook. nej thiaj li pom peb cov xovxwm.
