3HMONGTV NEWS (06-03-2025) – Nyob hauv xeev Minnesota hnub no muaj tub ceevxwm coob tuaj puv nkaus rau ntawm lub khw ua zaub mov Las Cuatro Milpas nyob South Minneapolis. Cov tub ceevxwm, nrog rau ATF, ICE, FBI thiab Sheriff puav leej tuaj xwb thiab ntes neeg. Raws li xovxwm tshaj tawm, qhov tuaj zaum no tsis yog txog kev immigration. Lawv tuaj saib kom muaj kev rauj ntseg xwb. Peb pom tias tub ceevxwm thawb thiab txua tshuaj rau pejxeem nyob hauv kev tsis pub los ze. Lub koomhaum hu tias Minnesota Immigration Rights Action Committee hais tias Minneapolis cov tub ceevxwm tsis muaj cai koom ntes nrog ICE vim nroog Minneapolis twb yog ib lub Sanctuary City pab cov neeg tsis muaj ntaub ntawv nyob tebchaws no. Mayor Jacob frey hais tias tubceev xwm tuaj zaum no yog tuaj tshawb seb puas muaj tshuaj thiab puas muaj neeg ua luam nyiaj tsis raws cai xwb. Minneapolis cov tubxeem tsuas yog tuaj kom muaj kev nruaj ntseg xwb.
Hnub no Minnesota Office of Cannabis Management tshaj tawm tias lawv yuav muab ib lub sijhawm los rho npe seb leejtwg thiaj tau license los ua maj hauv xeev Minneosta. Luj sijhawm rho npe no yog lub 6/5, lub Thursday yuav los no. Lawv tsuas rho tau 3 hom daim license xwb. Peb hom licenses los ua maj no yog. Cultivator, tus neeg npaj teb los ua maj, manufacturer, tus neeg los yog lub company nyoj thiab tim mab, thiab mezzobusiness, lub company muab yub maj lossis cog thiab muag maj. Qhov kev lawv rho npe los yog lottery no yuav tos tawm live rau sawvdaws pom nyob ntawm qhov website no: https://www.youtube.com/@MNCannabisManagement Yog tias nej twb xa application mus rau lawv tag lawm nej npaj los saib saib rho puas tau nej tus number ntawm daim application nyob rau lub sijhawm ntawv.
Tamsim no nyob xeev Minnesota, muaj 2 tus neeg kis tus kabmob Measle ntxiv lawm raws li hais los ntawm Minnesota Dept. of Health. Tsos mob measles no yog ua npaws, hnoos, los ntswg, thiab los kua muag ces dhau ntawv ua pob liab thoob ib ce. Yog tias mob zoo li hais no lawm, hu mus rau nej tus kws kho mob los yog primary care provider ua ntej nej mus rau tom tsev kho mob. Zoo tshaj hu ua ntej. Mus subscribe rau 3HMONG TV hauv Youtube thiab caum peb hauv Facebook.
