Tam sim no nyob xeev Minnesota nomtswv ceeb toom rau pejxeem sawvdaws tias muaj ib qho text message xa rau qee tus neeg hem kom lawv them nyiaj mus vim yog lawv raug nplua los ntawm lawv daim traffic ticket. Qhov message no tuaj hauv Minnesota Department of Vehichle tuaj. Tiamsis hauv xeev Minnesota, tsis muaj ib lub department hu ua DMV. Hauv Minnesota tsuas muaj hu tias Department of Vehicle Services lossis DVS xwb. Qhov message li nej pom ntawm no tsis muaj tseeb. Nws yog ib qhov Scam xwb raws li hais los ntawm nomtswv. Yog leejtwg tau txais qhov message no yuav tsum muaj lwv tsis txhob teb rov qab.
Ib ob hnub dhau los no, peb hnov txog Donald Trump cov lus hais tias nws yuav txwv tsis pub neeg tuaj hauv 12 lub tebchaws tuaj nkag tebchaws Asmeskas. 12 lub tebchaws President Trump txwv tus nrho tsis pub neeg tuaj yog li ntawm nej pom no. Muaj 7 lub tebchaws ntxiv uas Trump txwv ib nrab lossis partial travel restrictions rau neeg tuaj nkag tebchaws Asmeskas. Nplog teb yog ib lub ntawm 7 lub tebchaws no. Raws li xovxwm tshaj tawm, pejxeem Nplog siv tau ob peb hom visa programs tuaj tebchaws no tiamsis ntau zaus yuav raug tshem tawm lossis suspended. Trump kuj tsis txiav tu nrho tsis pub neeg Nplog tuaj tiamsis tsis paub tias yav tom ntej yuav zoo li cas. Cov kev txwv no yuav pib coj los siv pib lub 6/9, hnub Monday yuav los no thaum 12 teev ib tag hmo mus.
Tamsim no Elon Musk thiab President Trump kev phoojywg muaj teebmeem loj heev. Nkawv ob leeg muaj kev tsis nkaj siab, ib leeg sau ntawv thuam ib leeg, txiv thaum Elon Musk hla ntawm hauv lub Department of Governement Efficiency lossis DOGE tsis ntev dhau los. Txij thaum Elon Musk hais lus thuam Donald Trump tsab tax thiab budget bill los mus ces Trump txwv tsis ua lagluam thiab tsis muab contract rau Elon cov companies xws li Space X thiab Tesla. Tom qab nkawv muaj cov lus no, Tesla market poob nyiaj $152 Billon dollas. Xovxwm tseem hais ntxiv tias Elon Musk pom zoo nrog lwm tus yuav muab Trump tshem tawm haujlwm es cia JD Vance los ua nom. Elon Musk xav nrog Tump tham tiamsis Trump hais tias Elon Musk yog ib tug neeg xiam hlwb lawm uas nws tsis xav nrog tham. Elon Musk hais rau Donald Trump tias yog tsis muaj nws Trump yeej tsis tau los ua nom.
Frank Lor, 26 xyoo, raug txim Criminal Vehicular Operation tom qab nws qaug cawv tsav tsheb ceev poob qab ke raug ib tug pojniam nyob hauv nws lub tseb sab heev hauv lub nroog Mounds View xeev Minneosta lub 5/30 dhau los no. Nws hais rau tub ceevxwm tias nkawv tau haus cawv me ntsis ua ntej tiamsis tsis paub tias haus ntau paum li cas. Tus pojniam ntawv tsoo tob hau thiab los tav coj mus rau tsev kho mob lawm. Yog txiav txim los mus, Frank Lor yuav raug kaw mus li 5 xyoos.
