Tham tas los ntawv yog Rep. Kaohly Her sawv cev ntawm district 64A. Nej twb hnov tag lawm vim tias sawvdaws yuav nyab xeeb thiab to taub zoo. Txij li thaum Rep. Kaohly Her raug xaiv los ua tuav lub meejmom State Representative, nws tsim ntau tsab cai thiab tuav ntau lub committee. Nws pab nrhiav tau nyiaj los pab rau Hmoob cov koomhaum ntau lub. Ntseeg tias Rep. Kaohly Her tseem yuav ua tau ntau yam rau tsev Hmoob thiab pejxeem sawvdaws hauv xeev Minnesota.
Tamsim no muaj kev tawm tsam ICE nyob ntau lub xeev hauv tebchaws Asmeskas xws li New York, Boston, Texas, Georgia, thiab Maryland. Nyob rau xeev Minnesota, lawv yuav npaj ib lub koomtxoos taug kev tim St. Paul College thaum 11 teev ces los mus hais lus thaum 1 teeb tav su rau ntawm State Capitol rau lub Saturday, lub weekend yuav los no. Tsis paub tias neeg yuav tuaj coob li cas thiab yuav zoo li cas. Qhov kev koomtxoos no hu tias “No KingS” protest.
Nag hmo nyob rau qhov special session, cov nomtswv hauv xeev Minnesota sib tham haum txog qhov state budget uas yog cov nyiaj npaj los siv rau lub xeev no. Cov nyiaj state budget mus rau 2 xyoos tom ntej yog muaj li ntawm $66 billion dollas. Muaj kev cov nyom ntau yam txog qhov budget no vim yog muaj 100 tus Republicans thiab 101 tus Democrats. Nyob rau ntawm qhov state budget no, cov coob pom zoo tshem cov neeg laus tsis muaj ntaub ntawv nyob tebchaws tsis pub kom tau MinnesotaCare. Lawv cov menyuam tseem qualify rau MinnesotaCare. Cov laus tsis muaj ntaub ntawv yuav tsis tau MinnesotaCare pib lub ib hlis 2026 tuaj tom ntej no.
Thaum kawg no, tu siab tias Hmoob ib tug tub hu, sau nkauj thiab muab suab uas yog Tswb Siv Yis Vaj tau tag sim neej rau lub 6/10/2025 thaum 1:30 tav su hauv nroog Fresno, xeev California raws li cov neeg paub nws tau hais. Kev tag sim neej zaum no yog ua tsis taus pa vim muaj mob. Tswb Siv Yis cov nkauj yog ib co nkauj tu siab thiab kho siab. Yog ib nkauj qub heev lawm tiamsis niaj hnub no tseem muaj nqi thiab sawvdaws tseem mloog.
