3HMONGTV Newsbrief | June 16, 2025

By hbcstaff

June 16, 2025

0
421 views

Font size:

3HMONGTV NEWS (06-16-2025) – Tau ib ob hnub dhau los no, qhov xovxwm txog tus neeg phem tua ob tug nom hauv xeev Minnesota ua rau sawvdaws ceeb thiab ntshai vim peb nyob rau lub sijhawm muaj tus President uas hais tau ntau yam ua rau pejxeem tsis txaus siab muaj kev tawm tsam thoob plaws tebhcaws Asmeskas.
Nag hmo khwv yees li thaum 9:30 tsaus ntuj, tub ceevxwm nrog rau Federal, State, thiab local ntes tau Vance Boelter uas yog tus txiv neej tuaj 2 tug nom Asmeska nyob xeev Minnesota. Lawv txhom tau nws ze ntawm nws lub tsev nyob hauv lub zos Green Isle. Raws li peb paub Vance Boelter raug 2 lub txim tuaj neeg tuag nrog rau 2 lub txim npaj tua neeg thiab cov nyiaj tso ntawm yog $5 million dollas. Tamsim no nws raug kaw nyob hauv Hennepin County Jail yuav tso los hais plaub thawj zaug hnub no thaum tav su.

Nyob rau ntawm qhov news conference nag hmo, Governor Tim Walz hais tias nws ua tsaug tag nrho rau cov federal, state thiab local law enforcement sib pab ntes tau tus neeg phem no. Governor Walz hais ntxiv tias tej yam zoo li no tsis yog kev sawvddaws yuav siv tau, txawm muaj kev tsis sib haum ntawm ob tog los, sawvdaws yuav tsum los zaum tham, tuav tes ua kev, nrhiav kom muaj kev zoo sib xws.

Raws li qhov news conference dhau los no, tus neeg phem no yeej xwj thiab siv internet los nrhiav cov neeg nws tua no chaw nyob. Tub ceevxwm ceebtoom yog tias muaj tub ceevxwm tuaj khob qhov rooj tsis txhob qhib los tsev, hu 911 kom paub tseeb tias lawv yog tub ceevxwm ua ntej qhib qhov rooj.

Hais txog ntawm ob tug nom raug tua no, Senator John Hoffman sawv cev District 34 yog ib tug Senator paub peb Hmoog zoo thiab tuaj koom ntau lub event nrog tsev neeg Hmoob. Rep. Melissa Hortman yog ib tug nom zoo lus thiab pab cov nom Hmoob nyob rau tim State Capitol kom tau mus tuav ntau lub committee tseem ceeb. Peb nrog lawv ob tsev neeg tu siab.

Lub 6/14 nyob hauv nroog St. Paul, ib co kwvtij Hmoob kev cai Catholic tsa muaj ib lub koomtxoos ua ib pluag mov ua kev zoo siab txais tos txiv plig Archbishop Bernard hebda. Cia peb mus saib tau.

Zaum no yog thawj zaug txiv plig Archbishop Bernard hebda tuaj saib Hmoob. Txiv plig Bernard Hebda tus txiv plig loj saib lub nroog St. Paul thiab Minneapolis. Nws yog tus thawj txiv plig ntawm lub Cathedral los yog church ntsuab nyob nroog St. Paul. Cov kwvtij Hmoob ntseeg Catholic tseem tsis tau muaj coob. Yog leeg twg xav mus koom lawv cov service, hu xovtooj mus rau lawv. Lawv zoo siab txais tos sawvdaws.