3HMONGTV Newsbrief | June 22, 2025

3HMONGTV NEWS (06-22-2025) – Lub 6/22 thaum sawv ntxov Asmeskas tau tua Iran cov chaw muaj riam phom nuclear ntsoog tag raws li hais los ntawm President Trump. Qhov mus tua zaum no hu ua “Operation Midnight Hammer”. Kev tua zaum no yog muaj ntau tshaj 125 lub dav hlau nrog rau ib co B-2 bombers. Cov dav hlau B2s tso ntau tshaj 20 ntawm lub foob pob uas lawv hu tias bunker buster rau ob lub chaw muaj riam phom nuclear hu tias Fordow thiab Natanz. Tamsim no tebchaws Iran tau teb rau Asmeskas tias Washington DC mus dhau txoj kab liab loj heev lawm cia seb lawv tus nom Ayatollah Ali Khamenei yuav hais li cas. President Trump ceebtoom rau tebchaws Iran tias Asmeskas tseem yuav tso foob pob ntxiv yog Iran tsis los ua kom muaj kev thaj yeeb nyob hauv Middle East. Trump hais ntxiv tias Asmeska tsis yog ua rog nrog Iran tiamsis mus txo thiab tshem tawm cov chaw muaj riam phom nuclear xwb. Tamsim no State Department ceebtoom rau neeg Asmeskas kom ceev faj thiab tawm hauv tebchaws Lebanon.
Story #2
Ntseeg lawm tias peb sawvdaws yeej muaj gmail, facebook accounts tag tus. Tamsim no 16 Million cov passwords los ntawm pejxeem muaj nyob rau hauv google, facebook, apple, thiab Amazon raug nyiag. Lawv ceeb toom kom sawvdaws yuav tsum nkag mus hloov nej cov passwords kom muaj ob theem ua yog 2-step verification kom neeg nyiag tsis tau. Tsis tas li yuav tsum hloov nej cov passwords ob peb zaug thiab tsis txhob siv ib tug password rau tag nrho rau txhua qhov chaw. Tom ntev no lawv yuav sau ntawv ceeb toom pejxeem sawvdaws kom mus hloov li no. Yog tsis mus ua li no, nej cov accounts tejzaum yuav raug kaw thiab txwv tsis pub nej nkag mus ces nej yuav plam ntau yam tseem ceeb. Zaum no yog zaum loj tshaj plaws ua muaj neeg nyiag pejxeem cov passwords thiab ntaub ntawv tseem ceeb nyob rau keebkwm.

Xovxwm tshaj tawm tias lwm xyoo cov nyiaj Social Security xa tuaj rau pejxeem yuav nce ntau zog vim yog nqi noj nqi haus kim tuaj lawm. Tiam cov neeg tshawb fawb hais tias xyoo 2026 tuaj no, nqi noj nqi haus yuav nce mus rau 2.5% ces cov nyiaj social security los yuav nce thiab.

Tamsim no muaj ib tug kabmob COVID-19 hu tias NB 1.8.1 los yog hu ua “razor blade throat” vim nws muaj tsos mob nyag rau neeg. Tus kabmob no tshwm sim nyob rau New York, Illinio, Texas, thiab California lawm. Yog leejtwg tau tus kabmob no, yuav ua rau tus neeg ntawv yuav mob qa, hnoos, ua daus no, mob ib ce, tsis qab los noj mov, ntuav, thiab ua pa tsis tau. Cov neeg ua haujlwm hauv Public health hais tias tus kabmob no yuas tsis ntshia vim nws yuav tsis phom sij npaum li tus peb pom dhau los. Tsis tas li, muaj kev yuav pab tiv thiav tus kabmob no.

Thaum kawg no xa rov qhia rau sawvdaws tias lub Hmong International Freedom Festival yuav los rau lub 6/28 thiab 29 nyob rau tom McMurray Fields hauv nroog St. Paul. Xyoo no lawv yuav rov cia sawvdaws mus dawb. Parking yog $20 nyob rau tom State Fair. Tsis tas tseem muaj ib lub concert uas muaj khwv yees li ntawm 50 tus Hmoob cov tub ntxhais hu nkauj tuaj ua ke nyob rau ntawm Myth rau lub 6/28. Mus yuav ticket ntawm li nej pom no. Peb Hmoob TV yuav mus thaij me ntsis los tso rau nej saib.