https://gofund.me/51362021
Tamsim no Donald Trump raug twb los pib ua tus President kav teb chaw Asmekas lawm. Xovxwm tawm zoo zaws hais tias Trump yuav tsim ib cov cai Executive Order los ntes neeg vim tsis muaj ntawv nyob teb chaws Asmekas thiab kaw cov program los pab rau neeg immigrants. Trump twb kos ntau tsab cai los sis Executive Orders los tshem ntau yam xws li nrhiav txhom cov neeg tsis muaj ntaub ntawv nyob teb chaws Asmeskas thiab kom muab cov chaw haujlwm hauv DEI los yog Diversity, Equity, thiab Inclusion kaw tsis pub muaj lawm. Qhov tseemceeb, Donald Trump tsis pub muaj tsab cai Birthright Citizenship txhais tau tias txawm yug hauv tebchaws Asmeskas no los tseem tsis pub xam xaj rau thiab. Yog li no nyob hauv xeev Minnesota, Attorney General Keith Ellison, nrog rau 22 lub xeev tab tom npaj foob Donald Trump tsis pom zoo muab tsab cai Birthright Citienzhip tshem. Tsab cai no yeej muaj nyob rau hauv US constitution tau 200 ntawm xyoo lawm tsis tsim nyog President Donald Trump muaj tshem raws li hais los ntawm Attorney General Keith Ellison. Tsis tas li txij hnub Donald Trump los ua nom, coob tus pejxeem tsis muaj ntawv thwj toob nyob tebchaws no muaj kev txhawj xeeb hais tias lawv yuav raug xav rog qab vim nws tau tso cai rau cov tub ceevxwm ICE mus xwb thiab npab txho neeg hauv tej tsev kawm ntawv, chaw ua haujlwm, hauv tsev kho mob, thiab chawv teev hawm raws li xovxwm tau tshaj tawm. Hnub no Donald Trump txwv tsis pub cov neeg thoj nam los yog Refugee uas yeej muaj ntaub ntawv nyob tebchaws Asmeskas tawm mus ncig tebchaws vim nws yuav ncua cov refugee Resettlement Programs. Cia saib mus tom ntej seb puas muaj dabtsi ntxiv.
Raws li xovxwm tshaj tawm txog ntawm Mayor Sheng Thao, nws yuav raug kawg 95 xyoos thiab raug them ntau tshaj $1.5 lab dollas vim yog kev siv nyiaj tsis ncaj ncee muab nyiaj txiag xiab rau kev khiav ua nom ua tswv. Hnub Friday dhau los no Mayor Sheng Thao tus kws lijchoj hais tias rooj plaub no tshwm sim yog los ntawm kev liam xwb Sheng tsis tau ua txhaum dabtsi. Rooj plaub yuav rov muab los hais rau lub 2/6.
HND los yog Hmong National Development yuav rov muaj lawv lub koobtsheej ib xyoos muaj ib zaug rau lub 4/16 txog 19 yuav los tom ntej no. Xyoo no lawv ua nyob rau nroog Minneapolis. Tamsim no lawv tab tom npaj los ua kom loj muaj ntau yam vim tias xyoo no yog 50 xyoo Hmoob tuaj nyob rau tebchaws Asmeskas. Lawv yuav muaj coob tus tub ntxhais kawm ntawv siab tuaj hais lus, sib paub tswvyim, muaj workshops, thiab ntau yam kev lom zem qhia txog Hmoob teej Hmoob tug. Yog tias nej leegtwg tsis tau mus register, yeej meem mus register. Xyoo no yog ib xyoos tseem ceeb heev. Mus saib ntawm hndinc.org.
Thaum kawg no, peb zoo siab tias 3HMONGTV tau raug xaiv los txais ib qhov grant $40,000 dollas los ntawm Press Forward initiative. Qhov grant no los pab rau cov tuam txhaj xovxwm me rau cov neeg pab pawg tsawg hauv xeev Minnesota. Cov nyiaj grant no muab $520,000 los faib rau 13 lub koomhaum. 3HMONGTV zoo siab tias peb yog ib lug ntawm 13 tau txais cov nyiaj no los pab peb qhov program hu ua Uncover More Good.
