Raws li qhov press briefing tawm hnub no nyob tuam ceeb Washington DC, yog tias ib tug neeg twg yeej ib txwm tau nyiab pab xws li social security benefits, medicare benefits, food stamp thiab welfare benefits, yuav tau kev pab mus li yav dhau los tiamsis cov nyiab federal tuaj pab rau cov chaw haujlwm loj hauv state thiab local yuav raug ncua tsis paub tias ncua mus ntev npaum li cas. Paub tseeb tias cov nyiaj tuaj pab rau cov koomhaum non-profit thoob plaws tebchaws Asmeskas yuav raug txiav thiab tu ncua.
Cov federal agencies raug ncua cov kev pab hais los no yuav tsum sau ntawv mus rau lub Office of Management and Budget tsis pub dhau lub 2/10/2025. Tsoomfwv xyuas tias teb qhov program tsis nyog pab lawv mam pab. Tej qhov tsis tsimnyog pab lawv yuav tsis muab federal nyiaj tuaj pab lawm.
Hnub no Gov. Tim Walz nrog rau Lt. governor Peggy Flanagan thiab Attorney General Keith Ellison tham tias lawv tsis txaus siab txog cov kev ncua cov nyiaj federal no. Cov nyiaj raug ncua nyob xeev Minnesota yog li ntawm $1.9 billion dollas uas tsoomfwv federal muab txhua lub hlis tuaj pab rau lub xeev no. Ntau qhov program yuav nres vim yog los ntawm Trump administration. Tsis yog tias nyob rau xeev Minnesota xwb, ntau lub xeev tsis pom zoo thiab npaj yuav foob Donald Trump vim lawv ntseeg tias nws txhob txwm muab cov program no txiav yam tsis xav txog cov pejxeem uas yeej ib txwm tau kev pab yav dhau los. Rov qab hais dua, tsis paub tseeb tias yuav muab ncua mus ntev paub li cas.
Kwj sau ntawv author Kao kalia Yaj peb phau ntawv nws sau ntawm xyoo no raug xaiv los nyob qhov finalists uas yuav tau los txais lub meejmom Minnesota Book Awards. Peb phau ntawv ntawv yog The Rock in My Throat, The Diamond Explorer, thiab Where the Rivers Part. Minnesota Book Awards ceremony yog lub 4/22 thaum 6 teev ntsaus ntuj nyob nroog St. Paul hauv Ordway Center for Performing Arts. Peb zoo siab nrog Kao Kalia Yaj.
Xyoo no MN Hmong Chamber of Commerce lub Annual Gala xyoo 2 tshwm sim rau lub 1/31 thaum 6 teev tsaus ntuj hnub Friday yuav los no. 3HMONGTV kuj yog ib lub lagluam raug xaiv los qhia txog nyob hauv lub koom txoos no. Muaj ntoo lub lagluam Hmoob yuav muab los qhia rau sawvdaws vim xyoo no yog xyoo 50 xyoo Hmoob tuaj poob rau tebchaws Asmeskas.
Lub sijhawm ntuj no zoo li tam sim no koj los yog cov neeg koj paub nyob hauv Ramsey County es tsis muaj chaw sov pw, hu rau Ramsey County ntawm tus xovtooj no los yog mus saib ntawm lub website RamseyCounty.us/warmingspaces. Tamsim no mus txog lub 3 hlis, lawv muaj chaw sov qhib txhua hmo thaum 9 teev tsaus ntuj mus txog 7 teev sawv ntxov. Xav nrog tham, hu rau lawv lub sijhawm 5 teev tsaus ntuj txog 5 teev sawv ntxov.
