Raws li xovxwm tau tshaj tawm, tamsim no Trump administration niaj hnub nrhiav neeg ntes vim yog lawv siv program hu tias expedited removal. Nyob rau ntawm qhov program no ICE ntes thiab xa neeg rov qab tau saib heev tsis muaj due process los yog tsis muaj kev ncaj ncee raws li txoj cai yog tias nomtswv paub tias cov neeg ntawv tsis muaj ntaub ntawv nyob tebchaws Asmeskas thiab twb nyob tebchaws tsis tau muaj 2 xyoos. Cov neeg rau ntes los ntawm Expedited Removal program yuav rau xa rov qab yam tsis tau mus tus immigration judge.
Ib txoj kev ICE tuaj ntes neeg yog tias tus neeg ntawv ua tejyam txhaum cai nyob tebchaws Asmeskas yav dhau los yog tam sim no, qhov ntau tus neeg no yuav raug xa rov qab.
Raws li xovxwm tau tshaj tawm, Immigration and Customs Enforcement los yog ICE nrhiav ntes kom tau 1,200 tus neeg xa rov qab tau rau ib hnub twg. Nyob rau ntawm neeg Nplog tuaj nyob teb chawv no es raug xa rov qab ho zoo li cas. Raws li hais nyob rau hauv xovxwm Washington Post, cov neeg Nplog xws li Hmoob, Mien, thiab lwm haiv neeg tuaj Nplog teb tuaj nyob tebchaws Asmeskas uas Trump Administration muaj cai xa rov qab los yog muaj removal orders tamsim no muaj li ntawm 4,850 tus neeg. Txij thaum 2015 los, muaj 38 tus neeg nplog muaj npe raug xa rov qab. Raws li paub, tamsim no nomtswv Nplog tsis muaj daim tso cai rau Asmeska xa cov neeg no rov qab. Txawm tias 4,850 tus muaj npe teev tseg raug xa rov qab los yog Nplog tsis muaj daim Repatriation Agreent nog Asmeskas ces yuav nyuaj rau Trump administration. Nplog yog ib lub tebchaws lawv hu tias Recalcitrant Country txhais tau hais tias Nplog tsis kam txais neeg rov qab raws li hais tawm hauv Washington Post. Txawm ib tug neeg twg muaj ntaub ntawv nyob tebchaws Asmeskas es ua txhaum cai me ntsis ces yeej raug ntes thiab muaj npe xa rov qab.
Yav dhau los, tebchaws Suav, Cuba, thiab India, puav leej tsis lees txais lawv cov neeg rov qab. Qhov no tsis txhais tau hais tias cov tebchaws no tsis kam txais tiamsis kuj muaj ib co raug xav rov qab. 10 xyoo dhau los Cuba twb kam txais 4,662 tus neeg rov qab yog tias lawv txheeb xyuas cov neeg no ua ntej. Tamsim no, nomtswv India los yeej kam txais neeg rov qab tiamsis yuav tau txheeb cov neeg no ua ntej Asmeskas xa rov qab. Tamsim no Suav kuj kam txais lawv cov neeg rov qab raws li hais los ntawm Suav tus Prime Minister tiamsis yuav tau txheeb kom paub tseeb tias cov neeg no yeej yog neeg suav tuaj Suav tev tuaj.
Tom ntej no tsis tseeb tias Nplog puas yuav lees txais cov neeg raug npe xa rov qab. Txawn li cas los, yuav tsum paub txoj cai txog kev ntes neeg los ntawm ICE. Tebchaw no, nej muaj cai li ntawm no:
Nej muaj cai txwv tsis pub cov ICE nkag los hauv tsev yog tias lawv tsis muaj daim ntawv Warrant. Ntau zaus lawv yuav hais tias daim ntawv sau los ntawm tus Deportation Officer yeej tso cai lawv los tau hauv tsev tiamsis lawv yuav tsum ntau daim ntawv los ntawm xaan thiaj li muaj cai nkag tau los hauv tsev. ICE nkaj tau los hauv tsev yog tias muaj neeg nyob hauv tsev qhib qhov rooj rau lawv.
ICE muaj cai ntes nej yog nej nyob raum zoov. Ntau zaus lawv tos kom nej tawm hauv tsev mus lawv mam ntes nej. Yog nej raug ntes lawm raum zoov, nej muaj cai tsis tham thiab hais lus nrog lawv, thiab nej muaj cai noog lawv tias nej yuav nrog nej yuav tham nrog nej tus kws lijchoj.
Yog hais tias leejtwg muaj kev txhawj xeeb txog kev raug xa rov qab, nej yuav tau mus cuag thiab tham nrog ib tug kws lijchoj uas yeej ua cov haujlwm rau immigration hauv nej lub nroog.
