Tus tub Pa Cheng nrog rau cov kwvtij yuav muaj ib lub rooj tshaj tawv nyob rau hnub Saturday 2/10 thaum 11 teev sawv ntxov txog ntawm nws tsev neeg uas tau
kub hnyiab rau lub ib hlis dhau los no.
Lawv yuav tham txog ntawm 4 tug menyuam lub ntees thiab ntawm leej niam thiab 2 tug menyuam ho nyob li cas lawm. Tsev neeg tau tsa muab ib tug Gofundme account
los pab them nuj nqi. Tus gofundme account no yuav los xaus rau hnub no. Tam sim no cov nyiaj sawvdaws xa tuaj pab tsev yog muaj ntau tshaj $500,000 lawm.
3HMONGTV yuav mus koom thiab thaij lub rooj tshaj tawm no ncaj nraim tuaj rau nej saib. Sawvdaws tig los saib nyob rau tagkis thaum 11 teev sawv ntxov.
Yog leejtwg poob haujlwm es xav nrhiav haujlwm ua Hmong American Partnership yuav rov muaj ib lub Job Fair uas lawv caw ntau lub company los yog chaw ua haujlwm tuaj
ntsib pej xeem. Nej muaj peevxwm nrog lawv tham seb puas yog cov haujlwm nej txaus siab rau los yog tej yam nej ho qualify ua. Xav paub ntxiv hu rau ntawm
tus xov tooj no. Shawn Thao (651)495-1547.
Hais txog ntawm kev ua haujlwm nyob xeev Minnesota, tam sim no Gov. Tim Walz nrog rau Dept of Employment and Economic Development tshaj tawm hais
yuav muab $7.8M los pab rau 7 qhov project uas yuav tsim muaj li 719 txoj haujlwm nyob rau xeev Minnesota. Gov. Walz hais tias xeev Minnesota yog ib lub xeev
muaj peevxwm tsim ntau lub lagluam. Yog tias muaj kev txhawb cov laglum yuav muaj huajlwm them nyiaj zoo rau pejxeem. Nws hais ntxiv tias nws yeej npaj siab
los ua qhov no kom tau. Ntseeg tau hais tias qhov business expansion project no yuav pab kom lagluam nyob xeev Minnesota loj hlob ntxiv mus.
