Hnub xovxwm hais ntxiv tias tamsim no Trmp administration tab tom npaj yuav cov tsheb thaiv mom txwv ua los ntawm Teslas uas raug nqi li $400 lab dollas. Coob tus Asmeskas hais tias qhov nov yog kev cuam tshuam vim yog Elon Musk twb yog tus tswv tawm Teslas thiab nws ho yog los tuav lub agency hu ua Department of Governement Efficiency nyob hauv Trump administration. Tamsim no Donald Trump thiab Elon Musk tab tom tshem tawm cov agency pab neeg thiab txiav nyiaj federal tuaj pab rau neeg txomnyem vim cov agency no siv nyiaj ntau dhau lawm. Tiamsim yog vim li cas Trump adminstration tseem npaj yuav cov tsheb no ntau thiab raug nqi $400 lab dollas.
Hnub no muaj lus tshaj tawm tim Minnesota Capitol hais tias Senator Tina Smith yuav los so tsis los khiav ntxiv ua US Senator sawv cev xeev Minnesota lawm. Txij li thaum Senator Smith tau los ua Senator, nws ua tau ntau yam xws li Reproductive freedom, climate action, thiab mental health pab rau pejxeem Minnesota raws li tus House Speaker Melissa Hortman cov lus.
Lt. Governor Peggy Flanagan npaj yuav los tuav lub meejmom no thaum nws hnov tias Senator Tina Smith yuav los so. Lt. Governor hais tias nws yeej nyiam xeev Minnesota vim yog li ntawv nws thiaj npaj los khiav ua tus US Senator ua haujlwm pab rau pejxeem. Lub sijhawm tamsim no, nws tseem yuav nrog nws tsev neeg thiab tej phoojywg tham. Nws tseem yuav tshaj tawm txog qhov ntxiv sai tom ntej no.
Yog tias nej leejtwg tsis muaj chaw sov pw, hu rau Ramsey County ntawm tus xovtooj no. Lawv muaj chaw qhib 9 teev tsaus ntuj txog 7 teev sawv ntxov.
3HMONGtv yuav muaj ib qho program nrog Hmong 18 xeem tham txog cov cai immigration nrog kws lij choj rau lub 2/20 thiab 27 thaum 7 teev tsaus ntuj. Cia siab tias sawvdaws yuav tig los koom peb nyob rau 2 hnub ntawv.
