Story #2
Xovxwm tau tshaj tawm los NASA hais tias muaj ib lub pob zeb los yog Asmekas lawv hu tias astroid loj tshaj lub tshav football yuav poob saum ntuj los rau lub 12/22/2032. Lub pob zeb no muaj lawv hu tias 2024 YR4. Lub pob zeb no ntsuas muaj li ntawm 130 mus rau 300 feet dav. Cov kws tshawb fawb hais tias qhov nws yuav los tsoo ntiaj teb nce 1.3% mus rau 2.3%. Lwm tus kws tshawb fawb hais ntxiv tias tejzaum tseem yuav nce mus li 6% los kuj muaj. Yog tias lub pob zeb no poob los tsoo ntiaj teb, nws yuav muaj ceem mus li 500 zaug piv rau Asmekas lub foob pob tso rau Hiroshima Yij Pooj teb dhau los.
Tamsim no raws li xovxwm tshaj tawm, Pope Francis, 88 xyoo, uas tau mus pw tsev kho mob vim yog muaj dej haus ntsws kuj zoo me ntsis lawm tiamsis kws kho mob kuj tsis paub tseeb yuav kho li cas ntxiv. Pope Francis tau mus pwv hauv tsev kho mob lub 2/14 dhau los no vim ua tsis tau pa. Cov tests kuaj los kuj zoo me ntsis tuaj lawm. Neeg thoob plaws ntiaj teb thov vajtswv thiab xav kom Pope Francis muaj zoo xwb.
Hnub no tus federal judge rov mus thaiv tsis pub lub Office of Management thiab Budget nyob hauv Trump administration txiav cov nyiaj federal tuaj pab rau pejxeem xws li federal grants, loans, thiab lawm cov program pab neeg. Tus federal judge hais tias kev txiav nyiaj federal yuav tsis yog txhaum cai hauv txoj cai nyob tebchaws no xwb tiamsis yuav ua rau neeg tuag ntau thiab tsis cia pejxeem siv lawv txoj cai hauv First Amemdnment rights.
President Donald Trump hais tias nws cov se muab rau Canada thiab Mexico them yuav pib lub hlis tuaj tom ntej no. Trump adminstration twb muab qhov no ncua los tau ib hlis no ces tamsim no nws yuav npaj nce 25% se rau cov khoom tuaj Mexico thiab Canada tuaj. Trump tseem yuav yuam se ntxiv yog tias Canada thiab Mexico cia cov neeg tsis muaj ntaub ntawv nqa yeej nqa tshuaj tuaj rau tebhaws Asmeskas. Tsis las Trump tseem yuav nce se rau lwm lub tebchaws sai rau lub 4 hlis yuav los no. Tom ntej no khoom noj khoom siv yuav nce yog pejxeem Asmeskas yuav raug them cov se no raws li xovxwm hais.
Ukraine President Zelensky nrog rau cov nom nyob sab Europe muaj ib lub rooj sablaj nyuam qhuav ob peb hnub dhau los hais txog kev koom tes tiv thaiv tsis pub Russia tuaj ntseem tau tebchaws Ukraine. Tamsim no Trump administration cia li kom President Zelensky kos npe txaus siab cia Asmeskas mus muab Ukraine cov Mineral resources ua yog cov av muaj roj uas muaj nqi rau lagluam. Raws li xovxwm hais, European Union yuav pab Ukraine $3.6 Billion dollas. Tsis ntev dhau los no, President Zelensky hais tias nws yeej kam tso plhuav nws kev ua nom saib Ukraine yog hais tias sawvdaws pom zoo muab Ukraine los ua tswv cuab hauv NATO thiab muaj kev thaj yeeb rau tebchaws Ukraine.
Tamsim no kws tshawb fawb nyob Guanzhou Laboratory, Guangdo, suav teb tab tom tshawb tau ib tug kabmob tshiab zoo xws li tus kabmob COVID-19. Tus kabmob tshiab no nrhiav tau los ntawm puav los tejzaum kis tau rau neeg thiab. Tus kabmob tshiab ua rau cov kwv tshawb fawb muaj kev txhawj xeeb thiab npaj kom lawv kev tiv thaiv pejxeem kom zoo rau tom ntej.
Xovxwm tshaj tawm tias nyob rau xeev Texas, muaj ib tug neeg kis cov kab mob Measles. Measles yog ib yam kab mob uas kis tau sia thiab yoojyim heev tshwj xeeb yog menyuam me thiab cov neeg laus lub cev tsis muaj zog. Muaj lus ceebtoom los ntawm cov neeg saib xyuas kev noj qab haus huv tias sawvdaws yuav tsum mus txhaj tshuaj tiv thaiv cov kab mob Measles no. Yog hais tias leejtwg muaj cov symptoms los yog tsos mob xws li ua daus no, tawm pob liab, yuav tsum nyob hauv tsev thiab hu mus rau kws kho mob.
Tamsim no raws li xovxwm hais, nyob xeev Minnesota, pab pawg Democrats thiab Republicans tab tom npaj ntaub ntawv los tsim kom muaj ib tsab cai los tiv thaiv pejxeem kom muaj txim rau cov app thiab website los muab neeg tej duab los dho thiab txuas ua liab qab tso tawm rau saum huab cua. Yog tias tsab cai no dhau lawm, tus neeg ua tej yam zoo li no yuav raug nplua $500,000 rau ib yam twg nws tau ua. Sawvdaws yeej paub lawm tias tamsim no muaj cov app thiab AI ua tau txhua yam zoo tiamsis yog ua yam phem ces tom ntej no yuav raug plua. Cia peb mam xyuas mus tom ntej seb cov ntaub ntawv no puas dhau mus ua cai.
