amsim no Donald Trump tsim muaj ntau tsab cai los ua txhua yam raws li nws kev xav. Txij li thaum Trump los ua nom, nws twb tsim ntau tshaj 60 tsab cai. Hnub no tseem hno tias Donald Trump yuav kos tsab cai los muab lus Askiv zwm ua cov Official Language nyob rau tebchaws Asmeska. Txhais tau tias lwm cov neeg cov lus tsis muaj nqi npaum lus Askiv lawm. Trump yuav tshem tej program tsim los pab txhais lus Askiv mus rau lwm hom lus kom txhob muaj es cia sib ntawv Askiv nkaus lawm xwb. Trump lub tswv yim yog los ua kom cov neeg tuaj nyob tebchaw Asmeskas siv lus Askiv lawm xwb. Lub ntsiab lus ces ua kom cov neeg tuaj nyob tebchaws no lawv tej menyuam hnob qab thiab  paub lawv cov lus. Zaum no yog thawj zaug muab lub Askiv los zwm ua cov official language nyob tebchaws Asmeskas.
Nag hmo, 2/27, nroog St. Paul thiab Minneapolis los koom rooj plaub tsim los ntwm lub nroog  San Fransico los foob Donald Trump txog cov nroog lawv hu tias sanctuary cities. St. Paul Mayor Melvin Carter hais tias nws tsis pom zoo Trump administration muaj cov nyiaj federal tuaj pab rau pejxeem txiav yog hais tias cov tub ceevxwm hauv zej zog tsis kam los ua ICE agents thiab tseem yuav nrhiav txim rau lawv. Trump administration yuav tsis muab nyiaj tuab pab cov nroog uas lawv hu tias sanctuary cities uas muaj cov neeg tsis tuav npav tsuab thiab ntawv ntawv nyob tebhcaws no. Ib xyoo twg nroog St. Paul tau $260 million dollas nyiaj federal. Yog tsis tau cov nyiaj federal no lawm, nws yuav muaj teebmeem loj vim ntau qhov projects yuav raug txiav. Yog li no St. Paul thiab Minneapolis thiaj pom zoo los foob Trump administration hais tias ua li no tsis yog cai lawm.
Immigration hais tias tsis ntev tom tej no, txhua tus cov neeg tsis muaj ntaub ntawv nyob tebhcaws no yuav tsum mus register lossis tso npe rau hauv federal government. Cov tsis mus register yuav raug plua thaib raug kaw. Qhov mus tso npe no yog rau cov muaj 14 xyoos rov sauv thiab yog ib qhov mandatory los yog yuav tsum ua xwb raws li hais los ntawm US Citizenship thiab Immigration Services. Cov neeg mus register no yuav raug nias taub teg thiab muaj chaw nyob. Qhov nov yog ib txoj ua Trump administration thiaj li paub tias leejtwg muaj ntaub ntawv los tsis muaj nyob tebchaws Asmeskas.
Nag hmo, 2/27, Ramsey County tus kws tswj cai Edward Sheu muab txim rau Pa Chia Vang 30 hnub los ua haujlwm pub dawb thiab 5 xyoo probation. Nej coob tus yeej nco qab hais tias xyoo tas los no Pa Chia Vang tsev tshev los tsoo 2 tug pojniam ze ntawm txoj kev Idaho thiab White Bear Avenue lub 4 hlis xyoo 2024. Nws hais rau tubceem xwm tias hmo tsoo ntawv nws yeej tau haus cawv. Nws tsoo tag ces tsev tsheb khiav lawm. Tub ceevxwm thaij li ntes tau nws 30 hnub tom qab.
