Muaj ntaub ntawv tshiab los ntawm tsev hais plaub hais tias tus pojniam hu ua Theng Vang raug 4 lub txim tsis saib menyuam. Qhov teebmeem no tshwm sim nyob rau Northwest Oklahoma City xyoo 2024 uas tus txiv neeg npe hu ua Jerry Yang tau muaj phom tua tub ceevxwm thaum lawv mus txog ntawm Theng Vang lub tsev. Lub sijhawm ntawv Jerry Yang muaj phom tua tus tub Abel Her 15 xyoos tag sim neej thiab nws tua nws tus kheej raws li xovxwm tau hais. Ntaub ntawv hauv court hais tias Jerry thiab Theng nkawv yeej ib txwm muaj teebmeem sib ntaus sib ceg hauv vaj hauv tsev los ntes lawm. Tamsim nyiaj mus thim Theng Vang youg $100,000 dollas.
Nag hmo, 2/20, Lt. Governor Peggy Flanagan nyob xeev Minnesota tshaj tawm tias nws yuav los khiav ua US senator xyoo 2026 vim yog Senator Tina Smith tsis los khiav txoj haujlwm no ntxiv lawm. Raws li xovxwm hais txiv tseem yuav muaj 2-3 leeg los sibtw khiav tuav lub meejmom no. Peggy Flanagan hais tias nws yeej muaj experience ntau yam uas yuav npaj nws los khiav txoj haujlwm no. Tej yam nws ua dhau los yog pab nce nyiaj xaub moo rau pejxeem, them nyiaj rau tsev neeg thaum los so kho mob, thiab pab menyuam kawm ntawv tau noj mov dawb hauv tsev kawm ntawv. Nws hais ntxiv tias nej ib leeg yuav ua tsis tau, yuav tsum yog pejxeem pab thiaj li ua tau.
Raws li xovxwm tau tshaj tawm, tam sim no cov nom ntawm paj pawg Democrat ceeb toom rau pejxeem tias yog Trump administration kaw lub agency hu tias CFPB. CFPB yog Consumer Financial Protection Bureau uas pab tiv thaiv pejxeem Asmeskas uas raug ntxias los ntawm cov Credit Card companies, cov tuam txhab txais nyiaj loj, thiab cov neeg los sis cov company tuaj sau sawvdaw nqi. Txhua lub xeev yeej muaj ib lug agency zoo li no los pab pejxeem. Trump administration hais tias lub agency no siv lawv lub meejmom ntau tshaj qhov siv tau muaj kev tsis ncaj ncee rau companies txais nyiaj rau pejxeem. CFPB twb pab mus nplua cov company no tau nyiaj $21 Billion dollas rov los rau pejxeem txij li thaum pib los txog tam sim no. Yog tias Trump administration kaw lub agency no lawm, yuav raug sawv daws yog tamsim no nej muaj credit card, txais nqi yuav vaj tsev, txais nyiaj kawm ntawv, nej tshuav nqi hoom maum, los yog nej tso nyiaj rau ib lub bank loj, nej yuav tsis muaj ib lub agency los saib xyuas kev ncaj ncee pub rau nej lawm. Cov company txais nyiaj los sis tshuav nej nqi yuav muaj cai nce cov interest siab zuj zus tuaj kom nej poob nyiaj ntau rau lawv.
Tagkis 2/22 yog Heart Valve Disease Awareness Day nyob hauv xeev Minnesota raws li tshaj tawm. Muab qhia rau sawvdaws kom nco qab mus kuaj plawv thiaj li tiv thaiv tau kev mob plawv thiab mob stroke. Raws li Minnesota Department of Health tau hais tawm, muaj 8 txoj kev sawvdaws yuav tau ua thiaj li pab tau lub plawv kom muaj zog thiab khiav tau zoo. Yam ib yog kev noj haus uas yog ib yam uas pejxeem ua tau 19% xwb. Qhov sawvdaws ua tau zoo yog saib xyuas kom tsis txhob muaj ntshav qab zib los yog diabetes. Qhov 2 ua pejxeem Minnesota ua tau zoo yog tsis haus luam yeeb. Kev tshawb fawb pom tau hais tias cov neeg ua tau nyiaj $50,000 tauj ib xyoo twg ua rau lawv lub plawv khiav zoo tshaj piv rau tus ua tau nyiaj tsawg dua. Tsis tas li piv rau kev noj haus, hom neeg twg thiab kev nyob li cas, puab leej qhia tau tias lub tib neeg lub cev ua haujlwm zoo los tsis zoo. Minnesota Dept. of Health ceeb toom rau sawvdaws kom mus kuaj yus lub cev xws li plawv, siab, raum thiab lwm yam kom muaj kev noj qab nyob zoo.
Xav qhia rau nej sawvdaws uas nyob rau xeev Minnesota paub tias tagkis, 2/22 lawv yuav rov muaj ib qhov information session qhiab rau sawvdaws txog lub tsev Sears nyob hauv Maplewood Mall. Qhov chaw no Hmoob twb npaj los yuav lawm. Lawv muab hu ua Pan Asian Mall. Yog nej leejtwg xav kawm txog kev mus ua vendor, kawm txog mus invest yuav qhov chaw no, los yog mus saib, lawv qhib thaum 1 teev mus txog 3 teev tav su. Qhov chaw nyob yog li ntawm no. Ntseeg tias yuav muaj opportunites ntau rau nej txog kev lagluam ntawm qhov chaw no.
