Jeff Noble txiav txim yuav tsis rau txim rau 2 tug tub ceevxwm uas tua Yias Xyooj. Qhov nov kuj ua coob tus chim thiab tsis txaus siab…
tshwb xeeb… yog cov sawv cev ntawm lub Justice for Yia Xiong Coalition.
Hnub no St. Paul City Council member Nelsie Yang nrog rau 2-3 tub councilmembers sau ib tsab press release hais tawv tias lawv puav leej khuv xim Yias Xyooj thiab pab tsev neeg tu siab vim tsis muaj kev ncaj cee. Thaum tub ceebxwm tua ib tug neeg tuag lawm, tsis yog hais tias tub ceevxwm yeej muaj cai ua li ntawv. Tub ceebxwm yuav tsum muaj accountability los yog kev los lav ris lub txim. Muaj 2-3 yam Hmoob cov thawj coj xav tau los ntawm tub ceevxwm:
Qhov 1 Â yog kom BCA tso tag nrho daim body cam video rau sawvdaws pom kom paub paus ntsis yog li cas tiag.
Qhov 2 kom lub nroog St. Paul yuav tsum soj ntsuam cov tub ceevxwm seb lawv puas muaj kev kawm txog Cultural competency thiab ua haujlwm ti nrog pejxeem hauv zos. St. Paul cov council member yuav taug qab kom St. Paul Police Dept muaj cov kev kawm no raws li los ntawm Hmoob cov thawj coj tau hais.
Qhov 3, nroog St. Paul yuav tsum ua haujlwm ti kom tsim muaj kev los tiv thaiv txhob raug tej kev sib tua zoo li no tom ntev lawm.
Cov council members yeej pom zoo thiab pab kom muaj kev ruaj ntseg mus tom ntej. Tsis tas li, cov council member pom zoo kom muaj ib tug neeg paub txog cov teebmeem no mus nyob rau hauv lub Police Civilian Internal Affairs Review Commission ua haujlwm nrog rau pejxeem. Lub PICARC yog ib lub koomhaum tsa los ntawm pejxeem  los saib xyuas kom muaj kev ncaj cee thaum muaj teebmeem raug tua li Yias Xyooj. Ntxiv mus, nroog St. Paul yuav tsum qhia mus rau tus Commissioner hauv Department of Public Safety kom tsim muaj ib lub position nyob rau hauv Minnesota Board of Peace Officer Standards and Training kom paub txog Hmoob keebkwm thiab kev cai. MN Board of Peace Officer Standards and Training yog lub koomhaum tsim cov cai los tswj thiab nrhiav kev kawm rau tub ceevxwm nyob thoob plaws xeev Minnesota. Ntseeg tau lawm hais tias St. Paul City Council yuav ua raws li cov lus lawv hais nyob rau hauv daim press release hnub no.
Hnub no xeev Minnesota tshaj tawm txog kev noj cov ntsev nuv nyob rau ntawm tus dej Mississippi River Pool 2, 3, thiab 4. Ntu dej Mississippi no yog nyob rau ntawm Ford Dam Parkway hauv nroog St. Paul los txog rau ntawm nroog Wabasha, nrog rau cov pas dej hauv Minnesota. Minnesota Dept. of Health recommends los yog xav kom cov pojniam xeeb tub lawm, cov pojniam pub menyuam mis los sis breastfeeding thiab cov menyuam 15 xyoo rov hauv txwv tsis pub noj cov ntses tau los ntawm cov chaw no. Cov tib neeg tsis npaj yuav xeeb tub thiab hnub nyoog 15 xyoos rov sauv yuav tsum noj ntses kom tsawg xws li noj 1 zaug tauj rau ib lub hli twg yog hais tias nuv tau ntses ntawm cov chaw no. Yog xav paub ntxiv mus saib ntawm Fish Consumption Guidance nyob hauv Minnesota Dept. of Health lub website. https://bit.ly/3TxXZMn
Tam sim no Minnesota Dept. of Administration muaj ib qhov grant los pab kho thiab tsim Hmoob cov ntawv Latin kom zoo ib yam los yog standardize. Lawv muaj $288,000 los rau xyoo 2024 thiab $288,000 rau xyo 2025. Cov nyiaj no coj los siv tsis tau rau kev dab qhuas los yog kev neeb yaig. Qhov application deadline muab cua mus rau lub 4/9/2024 tsis pub dhau 4:30 yav tav su dua. Yog xav paub tseeb tshaj, sau email rau [email protected]. Tsis tas li peb mam muaj qhov link tso ntawm qhov xovxwm xwm no.
https://bit.ly/3x77yuh
