Xyoo no Hmoob Plaza los yog daim phiajzeb ua nyob rau tom Lake Phalen ua yuav tiav ib qib ntawm Phase 2. Yog li no, lub committee ntawm Hmong Plaza tau caw ib co thawj Hmoob nyob Thaib Teb, Nplog Teb, thiab Nyab Laj Teb tuaj koom qhov kev zoo siab zaum no raws li Thajyeeb Hawj tau hais. Nag hmo 5/15, cov kwvtij Hmoob no twb tuaj txog tag lawm. Qhov opening celebration no yuav muaj rau lub 5/18 8:30 mus txog 1 tav su nyob Lake Phalen Suav Lub Vaj Paj. Lawv caw niam txiv kwvtij neej tsa suavdaws tuaj koom qhov opening celebration no.
Lub caij tam sim no muaj ntau leej tau kawm ntawv tiav qib siab xws Bachelor mus rau Master degree. Muaj ib qho kev tshawb fawb los ntawm Foundation for research on Equal Opportunity tau hais tias txawm kawm ntau daim Master Degree los yeej tseem ua tsis tau nyiaj ntau tsim nyog cov nyiaj them mus kawm. Kev tshawb fawb hais ntxiv tias cov tau nyiaj zoo yog cov kawm tias Engineering, Computer Science, thiab Nursing. Cov kawm mus rau education, fine arts, psycology thiab English tsis tau nyiaj zoo pe tsawg. Tiamsis kev tshawb fawb hos tias cov kawm tiav Master ua tau nyiaj 16% ntau dua cov tau daim Bachelor degree. Nyob ntawm lub tsev kawm ntawv yog ib qho los txiav txim seb ua tau nyiaj ntau los tsawg. Tus kawm tag hauv Harvard University yeej tau haujlwm zoo dua lwm lub tsev kawm ntawv. Txawm li cas los, yog hais tias kawm tiav lawm yeej zoo dua cov tsis tau kawm los yog kawm tsis tiav tso tseg lawm.
Xovxwm tau hais tias lub as thiv no, Russia tus nom Vladimir Putin yuav mus ntsib Suav tus nom Xi JinPing rau hnub Thursday, 5/17 nyob rau tuam ceeb Beijing. Kev mus zaum no yog yuav mus nyob 2 hnub thiab yuav tham txog ntau yam tiamsis kuj tsis paub tseeb hais tias yuav tham txog cov ntsiab tseem ceeb li cas.
Raws li Eh Xiong uas yog Tub Ntxawb Xyooj ib tug tijlaug tau sau rau hauv social media, lub 6/8, yuav muaj ib lub koom txoos txiav hlua ua ib qhov kev nco txog Tub Ntxawg Xyooj uas hu hais tias Tub Ntxawg Xyooj Island Dedication nyob rau tom Phalen Lake. Tub Ntxawg Xyooj mus ua si tau tag sim neej nyob Colombia South America rau lub 12/11/2023.
Tham sim no muaj cov neeg dag noj dag los haus los yog scammers coob heev lawm. Qhov ntau yog cov neeg dag kom tau nej cov nyiaj tos hauv bank. Cov scammers nyiag koj cov check hauv mailbox es koj sau them rau lwm tus. Cov scammers no lawv siv ib cov tshuaj chemical los lwv koj daim check ces lawv mam sau them rau lawv. Yog lawv tau koj cov ntaub ntawv lawm, lawv muaj peevxwm muaj cov ntaub ntawv tsim ua cov check cuav muaj koj cov information. Nco ntsoov, thaum sau check siv cov xaum uas yog permanent es kom lwv tsis tau. Tsis tas li, thaum sau check tsis txhob cia chaw seem, kos ib txoj kab rau tom qab kom cov neeg phem no sau lwm yam txhob tau lawm. Xa kom daim check hauv tsev xa ntawv txhob tso rau hauv koj lub mailbox. Cov no yog tej yam ua pab kom neeg phem txhob nyiag tau koj cov ntaub ntawv tseem ceeb.
