3HMONGTV News | 05/31/2024 – Former president Donald Trump rooj plaub twb hais ua ntu zus los txog lub week no nyob rau New York. Cov neeg xaiv los txiav txim rau Donald Trump ntawm nws rooj plaub hais nyob rau xeev New York muab lub txim felony rau Donald Trump vim lawv pom tias nws muaj 34 txoj kev txhaum ntawm rooj plaub uas nws tau them nyiaj $130,000 rau tus pojniam muaj npe hu tias Stormy Daniel vim txoj kev ua nkauj ua raug. Donald Trump yog thawj tug former President rau lub txim felony nyob tebchaws Asmekas. Coob tus kuj noog tias qhov nov pus yuav muaj kev cuam tshuam nws txoj kev los xaiv ua President tom ntej no. Tamsim no kuj tsis paub tias nomtswv Asmekas puas tso cai nws los ua president lawm. Trump kuj tau hais tias nws tsis muaj kev txhaum dabtsi li.
Lub 5/28 dhau los no, CAPI tsa muaj ib lub rooj sibtham txog ntau yam los ntawm Congresswoman Ilhan Omar nrog rau Hmoob coj thawj coj koomhaum. Coj tuaj sibtham hnub ntawv yog Maiv Ntxawm Thoj tuaj tom Hmong American Partnership tuaj, kws lijchoj Mai Neng Moua, Michael Yang tuaj hauv City of Minneapolis, Pakou Hang sawm cev hauv Hmong American Farmers Association, thiab Thoj Mim Xyooj tuaj tom Coalition for Asian American Leaders tuaj. Lawv tham txog ntau yam xws li kev lag luam, kev ua liaj ua teb, kev lwm haiv neeg ntxub ntxaug neeg Hmoob, thiab immigration, sex trafficking mus rau lwm yam. Zaum no yog ib zaug uas Congresswoman Ilham Omar tuaj nrog Hmoob sibtham pauv tswv yim. Vam thiab cia siab tias Congresswoman Omar yuav paub txog tej yam Hmoob xav tau kev pab. Yog tias leejtwg muaj lus noog, saub ntawv thiab hu rau ntawm tus email thiab xojtooj no.
Mao Chang yog ib tug ntawm 3 leeg uas tau rau xaiv los txais ib qho khoom plig los ntawm Small Business Administration District Office nyob xeev Minnesota. Cia peb mus saib tau:
Mo Chang yog tus tswv ntawm Mo’s Tropical Wholesale thiab Deli. Qhov kev lawv xaiv no tsis yog hais tias lub lagluam mus tau zoo xwb tiamsis yuav tsum muaj siab dawb paub los pab rau community. Qhov award Mo tau txais zaum no yog hu hais tias Minority Small Business Champion of the year muab los ntawm NAWBO los yog National Association of Women Business Owners. Peb pab nrog Mo zoo siab.
Yog nej muaj koob tsheej yuav los tom ntej no los yog tej yam xovxwm tseem ceeb, hu rau 3HMONGTV. Ntawm no yg 3HMONGTV NEWSBRIEF, kuv yog Yau muas.
Nyob rau lub 6/8, yuav muaj ib lub koom txoos los muab lub island tis npe ua Tou Ger tug thiab muab Tou Ger tus pej thuam los zwm rau tawm thaj chaw ntawv. Lawv yuav pib thaum 3 teev tav su nyob rau tom Lake Phalen. Vam tias sawvdaws yuav mus koom.
Nej ib co xav tias xyoo no yuav muaj July 4 los tsis muaj, United Hmong Family nrog rau cov committee ua haujlwm nruab hnub hmo ntuj kom rov muaj lub koobtsheej no dua. Tsis ntev dhau los no, UHF muaj lus tshaj tawm caw sawvdaws tuaj mus koom. Xyoo no lawv yuav qhib rau sawvdaws mus dawb tsis sau nyiaj ntawm rooj vag. Lawv tseem xov vaj ncig vim xav kom muaj kev rauj ntse rau sawvdaws. Mee Vang, UHF president hais tias security yog lawv qhov tseem ceeb thiab lawv yuav saib nruj heev. Vam tias xyoo no, nej sawvdaws yuav tuaj koom coob li coob tau.
Subscribe to 3HMONGTV for new videos and live event coverage. Stay informed of what’s happening in Minnesota’s Hmong community and around the country.
