Nyob rau xeem Minnesota, Hmoob tsa muaj ib rooj sab laj hu tias Hmong Committee of 100 monthly luncheon caw cov tub ntxhais tuav lagluam thiab kev txawj ntse los txhim kho Hmoob lub neej kom muaj kev vam meej. Kev sibtham zaum no yog nyob rau ntawm Mo’s Tropical Wholesaler thiab Deli hauv nroog St. Paul. Nyob rau lub rooj sablaj zaum no kuj caw tau MN House represantative Ethan Cha tuaj tham txog haujlwm tseem ceeb los ntawm Hmoob 9 tug tub ntxhais nyob hauv State Capitol. Nws tham cov nyiaj tsoomfwv pab rau  Hmoob cov khoomhaum nyob Minnesota thiab yog vim li cas thiaj li tseem ceeb rau sawvdaws mus pov npav rau lub 11 hlis 2024 yuav los no. Lub rooj sab laj no ib hlis muaj ib zaug.
Hnub no Gov. Tim Walz nrog Lieutanent Governor Flanagan tshaj tawm hais tias tamsim no qhib application rau cov Student Teacher Grants thiab Loan Repayment Programs lawm. Yog tias nej leejtwg yuav npaj los ua kws qhia ntawv rau hauv public schools, tsoomfwv muaj cov grants los pab rau nej yog qualify. Deadline mus apply yog lub 7/26 rau Fall 2024, Deadline rau Spring 2025 yog 11/8, thiab Summer 2025 yog lub 4/18/2025. Mus apply online ntawm MNAid Student Portal. Ntxiv mus lawv muaj kev pab them nqi kawv ntawv. Xav paub ntxiv, mus nrhiav Minnesota Teacher Shortage Student Loan Repayment Program nyob online.
Tsis tas hnub no Gov. Tim Walz tshaj tawm tias 35 lub law enforcement agencies nyob xeev Minnesota yuav tau txais nyiaj txiag los qhia tubceev xwm uas lawv hu tias Comprehensive Peace Officer Education and Training. Lawv yuav txais li ntawm 50 leej muaj 2 xyoos degree los yog 4 xyoos degree uas xav mus kawm ua tub ceevxwm. Xav paub ntxiv mus nrhiav qhov ICPOET Grant Program nyob online.
Lub weekend yuav los no, 6/8 thiab 9, Hmoob yuav npaj muaj lub Asian Street Food Night Market nyob rau ntaw lub Sears qub ntawm txoj kev Rice Street nroog St. Paul. Lawv yuav muaj talent show, ntau yam zaub mov, muaj kev ua si rau menyuam, muaj dej cawv, thiab qhib rau sawvdaws mus dawb xwb. Vam thiab cia siab tias sawvdaws yuav tuaj koom coob li coob tau.
Yog nej muaj xovxwm tseem ceeb los yog koob tsheej yuav los tom ntej no, hu rau 3HMONGTV.
