Raws li Eh Xyooj uas yog Tub Ntxawg Xyooj tus tij laug tau hais tawm nyob rau hauv social media hais tias no tom qab 8 lub hlis uas tub ceev xwm nyob Medellin, Colombia, sab qab teb Asmeskas tau ntes 4 tus neeg nyiag thiab tuag Tub Ntxawg, muaj ib tug khiav dim lawm. Tus lawyer tau hais qhia li ntawv. Tus neeg no tau khiav thaum sijhawm nws mus ntsib kws kho mob. Tamsim Eh Xyooj tseem tsis tau paub yog li cas tiag tiam sis nws ntseeg tau lawm hais tias tus Attorney General nrog rau cov tub ceevxwm nyob hauv Medellin yeej yuav txhom kom tau tus neeg no. Eh Xyooj kuj hais tias coob leej noog hais tias yog vim li cas thiaj li ho khiav dim lawm. Eh ntseeg tau hais tias cov tub ceev xwm no yeej ua haujlwm nruj thiab ua lawv txoj haujlwm zoo heev. Cov tub ceevxwm no yuav tsum ntes kom tau tus neeg no los rau txim dua. Yog muaj dab tsi ntxiv, Eh mam qhia rau sawvdaws.
Hais qhia nej sawvdaws nyob rau xeev Minnesota paub tias, nyob hauv Ramsey County, yog lawv kom nej mus ua ib tug jury los yog ib tug neeg txiav txim hauv tsev hais plaub, lawv yeej tsis hu tuaj rau nej hais tias  tub ceevxwm yuav tuaj nplua nej nyiaj, noog txog nej tej ntaub ntawv tseem ceeb, los yog ua ntaub ntawv tso cai tshawb nej vaj tse. Tam sim no muaj ib co neeg dag noj dag haus los yog scammers hu tuaj dag nej hais tias lawv yog tub ceevxwm, lawv yuav tuaj ntsib nyiaj, noog txog koj tej information, thiab tseem yuav tuaj tshawb koj vaj koj tsev. Nco ntsoov, yog tias, nej leejtwg tau txais tej tsab xovtooj zoo li no, muab khwb es hu rau tub ceevxwm hauv lub nroog nej nyob.
Hnub no President Joe Biden hais tias nws yuav tsis kam txo nws lub meej mom los ua President txawm hais tias coob leej ntau tus ntawm pab pawg Democrats kom nws tso tseg vim nws swb kev sib cav nrog Donald Trump lub hli dhau los.
Nco ntsoov mus subscribe rau 3HMONGTV hauv Youtube thiab Follow peb hauv FACEBOOK.
