3HMONGTV News (07/14/2024) – Nyob rau nag Hmo, 7/13, former President Donald Trump tau raug mob vim yog muaj neeg tua nws nyob rau lub zos Butler, Pennsylvania. Khwv yees li 15 na thi tom qab Donald Trump nce sam thiaj mus hais lus, phom nrov, cov Secret Service agents khiav los thaiv thiab ruj Donald Trump tawm los mus. Raws li Donald Trump sau tawm tsis ntev tom qab hais tias nws raug tua, ib lub mo txwv tua tuaj raug nws sab qaum pob ntseg xis. Nws paub tias muaj dabtsi txawg txav vim nws hnov mo txwv ya thiab zoo li raug nws lawm”. Lub mo txwv yeej raug Donald Trump ntshav los liab vog li pom ntawm no. Tab tom thaum tua ntawv, muaj cov Secret Service agents zov saum ru tsev thooj txhij tua tus tau tus neeg phem ntawv lawm. Hnub no, FBI tau qhia nws lub npe. Nws yog Thomas Matthew Crooks, 20 xyoo nyob Bethel Park, Pennsylvannia. Donald Trump hais tias nws ua tsau rau Asmeskas cov Secret Service thiab tag nrho cov tub ceevxwm uas tau tiv thaiv nws zaum no. Malania Trump uas yog Donald Trump tus pojniam sau ntawv hais tias thaum hno tias Donald Trump raug tuas, nws hais tias ntshe nws thiab nws tus tub lub neej yuav raug kev puas ntsoog. Nws ua tsau rau cov Secret Service thiab tub ceevxwm uas tau pab cawm thiab tiv thaiv nws tus txiv ntawm kev raug tua zaum no. President Joe Biden los kuj hais tias tebchaws Asmeskas yeej tsis xav pom tej kev phem zoo li no yog li no nws thiaj li kom sawvdaws los mus koom siab ua ke. Nyob rau qhov kev tua zaum no, 2 tug pejxeem raug mob nyhav, 1 tug pejxeem nrog tus neeg tua Donald Trump tau tag sim neej lawm.
Tamsim no tub ceevxwm tab tom nrhia 2 tug menyuam ploj nrog tus txiv nyob rau nroog Sacremento, seev California tom qab tus niam tag sim neej. Kuj tsis pabu tseeb yog vim li cas. Ib lub tsheb muaj kev pheem cuam rau 2 tug menyuam no pom mus rau Mexico lawm raws li tub ceevxwm tau hais. Cov menyuam muaj npe tias Athena Lee, 4 xyoos, and Mateo Lee, 2 xyoos. Yog tias leejtwg pom lub tsheb zoo li ntawm no thiab paub cov menyuam los yog leej txiv nyob qhov twg lawm, hu rau tub ceevxwm.
