Raws li ntaub ntawv qhia tawm hauv Ramsey County, tus pojniam muaj npe hu tias Pa Chia Vang uas tau tsav tsheb los tsoo ib tug neeg raub mob nyob rau lub 5 hlis dhau los, raug ntes lawm. Thaum nws sib tsoo ntawv nws khiav lawm. Tub ceevxwm muab nws daim duab tshaj tawm hauv Facebook ces lub 7/12, tub ceevxwm ntes tau nws lawm raws li cov ntaub ntawv ntawm no.
Minneapolis Park thiab Recreation Board tab tom nrhiav ib co sports officials rau Soccer thiab Flag football lub fall yuav los no. Yog tias tau ua txoj haujlwm no, lawv yuav them $28 mus txog $75 tauj rau ib qho game. Tsis tas nws yuav ua rau koj noj qab nyob zoo thiab yog ib qho koj ua los pab rau community. Mus apply ntawm lub website no: https://content.govdelivery.com/accounts/MNPARKREC/bulletins/3aa53ce?fbclid=IwZXh0bgNhZW0CMTEAAR30pHpPXXEg4ABbfG6T7kLy8iy_cEhEiRqjAqSTiBJ4Lpj9nSbKi-oiDvg_aem_9faiyL2xGrYcpSVcoYlX8Q
Tam sim no muaj tub sab nyiag ntawv los yog tej yam khoom tseemceeb xav tuaj raug koj. Kev tiv thaiv tub sab yog koj yuav tsum mus tshem koj cov ntawv sai tom qab tus neeg xa ntawv tso rau koj lub mailbox. Tsis txhob cia nyob ib hmo tagkis mam mus tshem los. Yog tias koj yeej paub yuav muaj neeg xav ib yam tseem ceeb rau koj es koj tsis pom xa tuaj, koj yuav tsum hu rau tus neeg ntawv sai li sai tau. Yog tias koj paub tias neeg nyiag koj cov ntawv tseem ceeb lawm, hu tus xovtooj no 877-876-2455 mus report. Koj mus rau ntawm lub tsev xa ntawv ze koj tse mus qhia rau lawv thiab ua daim report.
Nyuam qhuav dhau los no coob tus yeej paub tias JB Vang tab tom yuav ua lub tsev apartment muaj 65 chav uas nyob rau ntawm lub tsev txias hauv nroog Maplewood. Raws li nrog Kou Vaj tham, nws xav tias lub tsev txias los yeej qub lawm thiab tam sim no kuj muaj tsev txais ntau lub tuaj lawm nws thiaj li txiav txim muab los ua tsev rau neeg nyob. Tus nqi los ua lub apartment no yog li ntawm $40M. Qhov property no tseem yog Kou qhov tiamsis nws muab los ua tsev apartment lawm xwb. Raws li Kou hais, lub tsev txias yuav muab nrau ua los ua chaw nres tsheb. Kou hais tias tam sim no ntawm cov tsev trailer ze ntawm lub tsev txias no, kub yuav npaj muab ua tsev ntxiv xaub rau neeg nyob thiab. Tsis tas li JB Vang tseem yuav muaj ntau qhov housing project yuav los rau xyoo 2025 no.
