Vim li cas Kamala Harris thiaj li xaiv Governor Tim Walz los ua nws tus Vice President. Raws peb paub ua ntej Governor Walz los ua Governor, nws yog ib tug xib hwb qhia ntawv, nws tuaj hauv zos me tuaj, nws kuj ua tub rog los ntev lawm, tsis tas li nws kuj ua haujwm nyob hauv US House tau 6 terms thiab tam sim no nws kuv ua Governor tau 2 terms lawm. Kamala Harris xaiv Governor Tim Walz vim nws yog ib tug neeg muaj experience ntau yam txog kev nom kev tswv. Ntau tus neeg kuj hais tias Governor Tim Walz tsis ua txaus pe tsawg thaum lub sijhawm uas tub ceevxwm tua George Floyd, tiamsis tsis ntev tom qab Governor Walz twb tuaj kom cov national guard tuaj saib xyuas kev ruaj ntseg.
Minnesota House Speaker Melissa Hortman sau ntau ntawv hnub no txog hais tias Governor Tim Walz yeej yog ib tug thawj coj zoo tsim nyog los ua tus Vice President. Melissa haiv ntiv tias Governor Walz sib zog ua haujlwm pab rau pejxeem Minnesota kom muaj lub neej zoo. Tsis tas li Governor Walz ua haujlwm ze nrog ntau tus pojniam nrhiav kev zoo los pab rau xeev Minnesota. Nws zoo siab tias kamala Harris xaiv tau Governor Tim Walz los ua nws tus khub.
Yog tias Governor Walz nce mus tuav lub meejmom no lawm, ntseeg hais tias Lt. Governor Peggy Flanagan yuav sawv los ua Governor. Raws lis xovxwm tau hais, Senator Bobby Joe Champion sawv cev District 59, yuav los ua tus Lt. Governor.
Pib lub week no mus Kamala Harris thiab Governor Tim Walz nkawg ob leeg yuav mus campaign, mus ntsib pejxeem Asmeskas nyob rau Philadelphia thiab mus campaign nyhav heev vim tias sijhawm los ze zuj zus lawm. Lub election rau 11 hlis yuav yug ib lub election tseem ceeb tshaj plaws xyoo no. Vam tias sawvdaws uas yog Citizen Asmeskas npaj mus pov npav xyoo no.
