Raws li xovxwm sau ntawv tawm nyob hauv St. Paul Pioneer Press, 2 tug neeg raug tsoo sab heev tshuav siav lawm xwb. Vim yog muaj neeg report thiab muaj cov koob thaij duab thaij tau Pa Chia thaum lub sijhawm nws nkag mus hauv White Dragon thiab ntawm los mus. Tsis tas li tub ceevxwm nrhiav tau ib cov khoom tawg poob rau ntawm qhov chaw sib tsoo. Cov khoom no yog los ntawm lub tsheb SUV uas tsoo 2 tug neeg ntawv. Nyob rau lub 6/5, Tub ceevxwm thiaj li nrhiav tau lub tsheb SUV no, nres ntawm txoj kev Bradley uas yog Pa Chia lub tsev.
2 lub txim uas Ramsey County Attorney’s Office muab rau Pa Chia, 44 xyoos, yog Criminal vehicular uas yog tsav tsheb los tsoo neeg thiab khiav tawv ntawm qhov chaw sib tsoob mus lawm. Cov xovxwm no muaj tseeb li hais los ntawm St. Paul Pioneer Press Newspaper.
Tub ceevxwm tseem nrhiav tsis tau ob tug menyuam Athena Lee, 4 xyoos, thiab Mateo Lee, 2 xyoos uas tau ploj tom qab leej niam tau tag sim neej hauv nws lub tsev nyob rau lub 7/8 hauv nroog Sacramento, xeev California. Ntseeg tau hais tias ob tug menyuam no tus txiv muaj npe hu tias Cameron Lee coj nrog nws lawm. Tam sim no twb muaj li ib hlis tawm lawm, tsev neeg nrog rau cov txheeb ze yuav muab $10,000 rau ib tug neeg twg uas coj tau ob tug menyuam rov los rau tsev neeg.
