Amanda niam thiab txiv vam khom ib tsoom Hmoob tuaj txhawb pab nyiaj txiag, pov npav, thiab khiav dej num pab rau lub campaign kom muaj yeej rau thaum lub 11 hlis yuav los no.
Nyob rau hnub ntawm kuj muaj Senator Susan Pha thiab St Paul City Council member Nelsie Yang tuaj hais lus txhawb siab rau Amanda.
Amanda Cheng Xiong yog ib tug ntxhais tseem hluas heev, txawm nws tsis tau muaj experience los nws ntseeg tau lawm hais tias lub meejmom City Council nws yeej ua tau. Hais txog ntawm cov qualification, Amanda twb khiav cov dej num no pab rau lwm leej lwm tus dhau los lawm. Nws yeej muaj peevxwm txaus los khiv lub meejmom no. Amanda tseem hluas tiamsis nws yeej muaj lub siab los pab daws pejxeem lawv tej teebmeem, pab kom muaj kev ruaj ntseg thaj yeej nyab xeeb nyob rau lub nroog Brooklyn Park.
Vam tias ib tsoom niam txiv kwv tij neejtsa nyob rau hauv nroog Brooklyn Park yuav mus pov npav rau nws lub 11 hlis no. Tsis tas li kev los sib tw ua nom ua tswv, yuav siv nyiaj txiag ntau heev, vam tias sawvdaws yuav pab nyiaj txiag dag zog rau Amanda Cheng Xiong.
