Tsis yog tias Megan Khang yeej kev sibtw ntaus Golf xwb tiamsis Hmoob tus ntxhais Sunisa Lee los kuj yeej thib 3 ntawm kev sibtw Gymnastics nyob rau 2023 Xfinity US Gymnastics Championships Senior Women Day hauv nroog San Jose, xeeb California. Sunsa yeej thib 3 tau lub kib Bronze. Qhov nws  ua tau zoo tshaj yog balance beam uas nws qhov score yog 14.2. Simone Biles yeej thib ib uas yog all around titles. Peb nrog tus ntxhais Sunisa zoo siab.
Tam sim no Minnesota Dept. of Human Services muab qhov tauj ntawv kho mob ncua mus rau txog lub 1 hli xyoo 2024 yog tias nej leejtwg tau Medical Assistance thiab MN Care. Ces yog li no, nej tseem tshuav me ntsis sijhawm tiam sis txhob tos, yeej meem mus tauj los yog renew vim muaj neeg coob heev. Nej mus nrhiav daim ntawv tauj nej cov health insurnace ntawm lub website Renew My Coverage li nej pom ntawm no. Tsis tas li yog nej muaj lus noog, hu rau MN Dept. of Human Services ntawm tus number no. 651.297.3862 los yog 800.657.3672.
mn.gov/dhs/renewmycoverage/
Tam sim no, nyob rau xeeb Minnesota, kabmob COVID-19 kuj rov nce tuaj lawm. Minnesota Dept. of Health ceebtoom rau pejxeem kom xyuam xeem. Npog qhov ncauj qhov ntswg yog xav tias tsis Safe rau koj. Yog leejtwg tsis tau txhaj kooj tshuaj booster, lawv xav kom nej mus txhaj. Tamsim no MN Dept. of Health muaj cov COVID-19 test nej order tuaj kuaj hauv tsev. Nej mus order nyob rau ntawm lub website no. sayyeshometest.org
Tam sim no Hmong American Partnership tab tom txais neeg tuaj tsav bus rau tsev kawm ntawv. Lawv muaj benefits thiab them nyiaj zoo. Yog leejtwg xav tau haujlwm ua, hu rau Hmong American Partnership ntawm 651-495-9160.
