Raws li xovxwm tau hais, Ob lub cev no yog Smith Coop Brown, 65 xyoos, thiab nws pojniam Payao Vang, 27 xyoo, nrhiav tau los ntawm tsev neeg rau hnub Sunday, 8/25, nyob hauv ib daim teb ze rau ntawm txoj kev 210th sab hnub tuaj thiab txoj kev Clayton huav lub nroog Empire, xeev Minnesota.
Tub ceevxwm hais ntxiv tias tus txiv neej ntawv tus tub muaj kev txhawj xeeb tom qab tsis pom nkawv rov tom nkawv daim teb los tsev uas nyob Oakdale. Tus tub thiab ib tug txheeb tsev neeg thiaj tsav tsheb mus nrhiav ces thiaj pom nkawv tuag rau tod.
Tub ceevxwm hais tias zoo li tus txiv neeg muab phom tua tus pojniam ua ntej nws tuaj nws tus kheej. Lawv nrhiav tau 2 rab phom ntawm qhov chaw ntawv. Ib rab tus txiv neej tuav ntawm tes ho ib rab nyob hauv nws lub tsho. Tamsim no tub ceevxwm tab tom xwj qhov teebmeem no. Lawv kuj tsis tau tsho duab ntawm ua ntej lawv ceeb toom rau tsev neeg. Yog 3Hmongtv paub li cas ntxiv mam qhia rau nej paub.
Nyob rau xeev Minnesota, Hmoob twb muaj 3 tug Judges los yog kwv tswj cai lawm. Nyob rau lub 8/27 dhau los no, Governor Tim Walz xaiv tau Dawb Yaj los ua Judge nyob rau hauv Ramsey County District Court. Governor Walz hais tias nws xav kom lub District Court muaj cov neeg tswj Cai ib zoo ib yam li cov pejxeem nyob hauv Ramsey County. Tamsim no mus ces Hmoob muaj 4 tug Judge nyob hauv Ramsey County District Court lawm.
Governor Walz hais ntxiv tias Dawb yog ib tug kws lij choj zoo heev uas ua haujlwm tsis nco qab kees kom muaj kev ncaj ncee. Dawb txoj kev hlob loj hauv nws lub community yog ib kev zoo los pab rau Ramsey County tsev hais plaub.
Tamsim no Dawb Yaj yog tus tsim thiab kwvlijchoj rau Village Lawyer uas yog ib lub tuam txhab hais plaub nyob hauv Hmong Village. Nws kuj yog ib tug professor rau Mitchell Hamline School of Law. Dhau los nws kuj yog ib tug Assistant Public Defender nyob hauv tsev hais plaub. Tsis tas li Dawb tseem yog ib tug kwslij choj pab rau Yaj Vam meej Association nyob Minnesota. Dawb kawm tiav nws daim BA hauv Hamline University thiab nws daim JD hauv Hamline School of Law.
Peb pab zoo saib rau Dawb Yaj.
