Xyoo no cov kwv tij Hmoob Thaib yuav muaj ib lub koobtsheej ncaws pob nyob rau Chiang Rai rau lub . Lawv kuj thov caw Hmoob Asmiskas mus koom lub koobtsheej no. Lawv yuav muaj ntau yam kev lom zem txais tos sawvdaws.
Tsis ntev no tsoomfwv yuav muab ib lub park nyob nroog Merced hauv xeev California los zwm nco txog Nai Phoo Vaj Pov uas yuav muab hu ua General Vang Pao Park. Lub park no nyob rau ntawm txoj kev Cardella thiab Freemark hauv nroog Merced. Nai Phoo Vaj Pov tau tag sim neeg rau xyoo 2011 thaum nws muaj 81 xyoos. Nai phoo Vaj Pov yog lub zog ntawm Asmiskas CIA tiv thaiv tsis pub nyab laj ntxeeb Nplog teb xyoo 1961 los txog tebchaw poob xyoo 1975.
Xovxwm tau hais tias xeev Minnesota yog lub xeev thib 4 uas xis nyob dua lwm lub xeev hauv tebchaws Asmiskas. Qhov xis nyob no vim yog muaj zoo kev kho mob nkeeg, kev tub sab tub nyiag los tsawg, tsis tas li muaj kev kawm ntawv zoo thiab muaj lajkam zoo. Ntseeg tau lawm hais tias vim yog li no Hmoob thiaj li nyob coob rau xeev Minnesota.
Yog tias nej muaj xovxwm xav muab qhia rau Hmoob, hu 3HMONGTV.
