3HMONGTV News (09/22/2024) – Early voting los yog kev mus pov npav ntxov twb pib tagkis, 9/20 mus lawm. Yog nej leejtwg tsis xav mus tos ntev tom chaw pov npav los yog nej muaj lwm yam ua rau thaum lub caij mus pov npav, nej mus saib ntawm Minnesota Secretary of State lub website mus request daim ntawv pov npav xa tuaj rau nej. Xyoo no yog ib xyoos tseem ceeb vim yog nej lub neej 4 xyoos tom ntej yuav zoo li cas yog los ntawm tus nom kav lub tebchaws Asmiska thiab cov nomtswv hauv zej zog. Yog koj yog 18 xyoo thiab xam xaj Asmiskas, koj yuav tsum mus tawm suab pov npav. Kev mus npav yog koj lub zog, nws yog koj lub ncauj qhia nomtswv kom muaj kev los pab kev kawm ntawv rau koj cov menyuam, muab haujlwm rau sawvdaws ua, thiab lwm yam program los pab rau lub neej. Thaum ua ntev yuav mus pov npaj noog koj tus kheej tias tus nom twg yog tus yuav los muaj cov cai los yog policy los pab tau koj, koj mam pov rau tus ntawv.
Peb zoo siab tias txij lub 10 hli mus Ramsey County thiab 3HMONGTV los koom ntes tsim ib qho TV program hu tias Nyob Zoo Ramsey County los qhia txog ntau yam kev pab rau niamtxij kwvtij neejtsa Hmoob. Tamsim no peb tab tom npaj qhov program no uas yuav tawm thawj zaug rau lub 10/2 thaum 1 teev tav su. Ib hlis peb muaj tawv ob zaug nyob rau 3HMONGTV Facebook page thiab peb tshooj Youtube. Yog hais tias qhov TV program no mus tau zoo, peb tseem yuav kais mus kom loj thiab tsim kom muaj rau lwm hais neeg thiab. Tus ntxhais Sheng Lor yog tus yuav los host qhov program no. Nco ntsoov npaj los saib Nyob Zoo Ramsey County rau lub 10/2 thaum 1 teev tav su.
