3HMONGTV NEWSBRIEF (10/01/2023) – Raws li xovxwm los ntawm St. Paul Pioneer Press, Keej Tsab, 29 xyoos yog ib tug qhia kis las hauv tsev kawm ntawv Como Park Senior High School tau raug tso tawm haujlwm vim yog nws tau deev ib tug ntxhais 15 xyoos. Muaj 4 zaug uas Keej tau deev nws txij thaum lub sijhawm nplooj too zeeg tsaib no los txog rau lub hlis no raws cov ntaub ntawv foob. Tus ntxhais tham hais tias Keej tau text nws seb nws puas kam nrog Keej pw thiab noog txog ib co duab liab qab. Tsab ntawv foob hais txiv tias nkawv tau sib deev hauv Keej lub tsheb, zaum kawg yog nyob raum parking lot ntawm lub tsev kawm ntawv. Thaum hnov tej no, lub tsev kawm ntawv thiaj muab Keej tshem tsis pub ua haujlwm lawm. Tam sim no Keej Tsab tab tom raug kaw nyob rau hauv Ramsey County Jail. Nws tau raug lub txim First Degree Criminal Sexual Conduct vim ua haujlwm hauv tsev kawm ntawv thiab Third Degree criminal sexual conduct uas nws yog ib tug neeg tuav txoj cai. Keej Tsab yuav raug los hais plaub hauv xaan rau lub Monday, 10/1 yuav los no. Lub tsev kawm ntawv yuav tsis tham txog tej kev txhaum cai no.
Tam sim no PowerBall nce mus txog $1.04 Billion lawm vim tsis muaj neeg raug nyob rau nag hmo. Qhov Powerball hnub Saturday dhau los no yog zaum 9 uas nyiaj ntau tshaj plaws. Yog tias muaj neeg rau Powerball rau hnub Wednesday los no ces yog zaum 2 uas raug nyiaj ntau tshaj plaws nyob rau keebkwm Powerball.
