3HMONGTV NEWS (10/02/2023) – Thaum 7:30 sawv ntxov, lub 10/01, merced county sheriff’s office water rescue thiab recovery team nrhiav tau chang cheng tiam sis nws tag sim neej lawm. Tub ceevxwm nrhiav tau chang lub cev nyob rau ntawm san luis reservoir, northeast bank ze ntawm romero visitor center raws li xovxwm tau hais. Ntseeg tau lawm tias chang poob dej xwb tsis muaj leejtwg ua phem rau nws. Chang twb ploj tau ntau tshaj ib lub lim thiam dhau los lawm. Raws li hais los ntawm tsev neeg, chang yog ib tug neeg nyiam yos hav zoo, nuv ntses, thiab mus camping. Nws yog ib leej txiv zoo rau nws pojniam thiab menyuam. Yog leejtwg xav pab nyiaj tshav ntuj, tsev neeg tsa muaj ib qho gofundme page li nej pom ntawm no. http://bit.ly/3Fkvs6p.
Nom tswv muaj lus ceeb toom rau sawvdaws hais tias lawv yuav muaj ib qhov emgergency alert system test uas nej ibtxwm hnov hauv radio thiab tv. Tam sim no lawv yuav xa mus rau nej lub phone tib yam nkaus. Yog nej sawvdaws nyob thoob plaws tebchaw asmiskas hnov lub suab alarm nrov nyob rau lub 10/4 no ces nej tsis txhob ceeb. Tsuas yog nomtswv test lub suab alarm no xwb. Qhov test no yuav nrov rau thaum 1:20 tav su rau lub 10/4. Lawv test lub suab no mus txog li 30 na tee. Lub ntsiab ntawm qhov test no yog ua los ceebtoom pejxeem asmiskas kom paub tias muaj tej yam xwm txheej emergency, xws li cua dab cua dub, khaub lig cua, av qeeg, los yog dej nyab thiab lwm yam kom nej paub xwb. Xav paub ntxiv mus saib ntawm
Hnub no nomtswv xeev Minnesota qhib rau sawvdaws ntawm tswv yim los tsim Minnesota tus chij tshiab. Nej yuav tsum muaj 18 xyoo rov sauv los yog kom nej niam nej txiv xav qhov design rau nomtswv. Ib tug neeg xa tau li 3 qhov design xwb. Yoj leegtwg xav sim, mus saib ntawm lub website no. www3.mnhs.org/serc Qhov deadline yog lub 10/30 ua ntej 11:59.
Tam sim no Dr. Yang Dao nyuam qhauv sau tiav nws ib phau ntawv muaj lub npe hu tias Hmong history, culture, and spirtuality at a glance through speeches. Nyob rau phau ntawv no muaj Dr. Yang Dao cov lus tham txog keebkwm Hmoob nyob Suav teb los rau Nplog teb, Thaib teb thiab tebchaws Asmiskas 40 xyoo dhau los. Phau ntawv no twb tawm nyob rau hauv Amazon lawm. Nej mus hauv Amazon ces ntau Dr. Yang Dao lub npe ces yeej pom phau ntawv no.
