3HMONGTV NEWS (10/08/2024) – Xyoo no yog pejxeem Asmeskas rov xaiv tsa nomtswv hauv zej zog thiab tus President los kav lub tebchaws no. Michigan yog ib lub xeev uas muaj Hmoob nyob coob. Xyoo no muaj ib tug niamtsev Hmoob muaj lub npe hu ua Maiv Hlee Xyooj los khiav ua tus State Representative hauv xeev Michigan. Lub 10/18 yuav los tom ntej no, Mai Xiong yuav muaj ib lub koobtsheej nyob rau Da La Thai hauv xeev Minnesota los nrhiav nyiaj los pab rau nws lub campaign. Hmo no 3HMONGTV tau nrog Mai tham txog nws lub campaign.
Yog tias Maiv Xyooj raug xaiv tsa ua tus State Representative rau lub 11 hlis no, nws yuav yog thawj tus Hmoob los tuav lub meejmom no nyob rau keebkwm hauv xeev Michigan. Ntseeg tias Mai yeej muaj lajlim tswv yim txaus los ua tus State Representative nyob hauv xeev Michigan xyoo no. Peb nrog sawvdaws zoo siab rau Maiv Xyooj. Yog xav paub ntxiv txog Rep. Mai Xiong, mus saib ntawm no: voteformai.com.
