Choua Thao uas yog ib tug ntawm cov pojniam Hmoob mus kawm uas kws kho mob los yog nurse thaum lub sijhawm tso rog Secret War hauv tebchaws Nplog, tau tag sim neej rau lub 12/26/2025. Choua yog ib tug pojniam nyob hauv Hmoob keebkwm uas muaj peevxwm mus kawm tiav Nursing los pab kho cov tub rog mus sib tua raug mob. Ua ntu zus dhau los, Choua qhib siab dawb paug los pab ntau yam rau tsev neeg Hmoob hauv tej khoomhaum. Tsis tas li nws qhib qhov rooj rau ntau tus ntxhais Hmoob los npaj lawv lub neej. Peb yuav nco ntsoov Choua Thao tus txiaj ntsim uas nws tau sib zog pab Hmoob yav dhau los.
Tamsim no, Nomtswv Federal saib kev haus huv thiab kev noj kev haus tebchaws Asmeskas tshaj tawm tias vim yog kev muaj mob muaj nkeeg ntau zuj zus tuaj, lawv yuav txwv tsis pub muab cov nyiaj SNAP los yog nyiaj muaj noj los yuav tej yam khoom noj uas tsis zoo rau lub cev. Cov khoom noj lawv txwv tsis pub siv nyiaj SNAP yuav yog dej qab zib los yog soda, candy, chips, thiab lwm yam khoom noj txom ncauj. Lawv xav kom cov nyiaj SNAP coj los yuav cov khoom noj kom health xwb. Raws li paub yav dhau los, qhov nov tsis yog ib yam ua txwv tau yoojyim. Cia seb Trump Administration yuav hais ntxiv mus zoo li cas.
Tamsim no nyob xeev Minnesota, tau ib lub week dhau los, xovxwm ua ntu zus tshaj tawm txog kev dag nyiaj Federal los ntawm cov neeg Somali cov tsev zov menyuam. Qhov nov tshwm sim rov muaj coj los tham vim yog tus tub hluas hu ua Nick Shirley tau mus nthuav tawm tias cov chaw zov menyuam no yeej tsis muaj menyuam tuaj rau lawv zos. Lam ua kom tau nyiaj Federal xwb tsis muaj tseeb. Nomtswv tau them nyiaj ntau heev rau cov chaw zov menyuam hais los no. Yog vim li no, Department of Health thiab Human Services muab cov nyiaj tuaj pab rau cov chaws zov menyuam no nres tsis yog hais tias nyob xeev Minnesota no xwb tiamsis thoob plaws tebchaws Asmeskas. Ua ntej cov chaws no tau txais cov nyiaj no, lawv yuav tsum muaj duab ua ntaub ntawv pov thawj. Qhov nov yuav tu ncua cov nyiaj them tuaj rau cov chaw zov menyuam no.
Muaj coob tus nom ntawm pab pawg Republican tsa suab tawm tias kom Governor Tim Walz hla tawm vim yog muaj teebmeem txog kev dag nyiaj ntau heev nyob xeem Minnesota.
Raws li xovxwm tshaj tawm , Thai tau tso Khabmin 18 tus tub rog tawm los mus rau tebchaws Khabmin tom qab 72 teev Thaib thiab Khabmin pom zoo rov los nres kev sib ntaus sib tua. Cov tub rog no twb rau Thai ntes txij thaum lub 7 hlis los lawm. Nyob hauv nroog loj Phnom Penh, niam txiv pejxeem sawv ntsug zoo siab tos txais 18 tus tub rog rov los tsev. Ntseeg tias yuav muaj kev sib haum xeeb thiab kev nres tsov rog ntawm Thiabteb thiab Khabmin.
Nyob hauv Beijing, Suav tus President Shi Zinping xa lus rau xyoo tshiab 2026 tias Suav yuav ua haujlwm nrog lwm lub tebchaws kom muaj kev txhawb rau lagluam thiab npaj nrhiav kev coj kom tau tebchaws Taiwan rov los rau Suav. Nws hais ntxiv tias xyoo 2025 yog ib xyoo Suav ua tau ntau yam mus ib khaub raum tom ntej. Muaj kev tsim liaj av xyoo ntoo mus tau zoo. Pejxeem los kuj muaj kev thaj yeeb thaib kev vammeej. Nws hais tias 2026 yog thawj xyoo uas yog 15th Five-Year Plan rau txoj kev lagluam thiab kev sib raug zoo mus ntxiv.
Pib hnub no mus, qhov minimum wage nyob nroog St. Paul yuav nce mus li ntawm nej pom no. Yog xav paub ntxiv, mus saib ntawm lub website no.
Ntawm no yog 3HMONGTV NEWSBRIEF, Kuv yog Yau Muas. Nco ntsoov mus subscribe rau peb tshoob TV nej thiaj li pom ntau yam peb thaij ncaj nraim tuaj rau nej saib.
