Minneapolis Mayor Jacob Frey teb txog ntawm qhov ICE tua tus pojniam no, nws hais tias kom ICE cia li tawm hauv nroog Minneapolis.
Nyob rau ntawm Governor Tim Walz press conference hnub no, nws hais rau pejxeem Minnesota hais tias tsis txhob cia ICE muab pejxeem rov tig sib txub. Nws hais ntxiv tias lub xeev no yog peb lub, peb yuav tsum tiv thaiv tsis pub ICE tuaj ntes ib tsev neeg twg. Yog leegtwg tawm tsam los kom tawm tsam twj ywm xwb tsis txhob ua lwm yam. Governor Walz hais ntxiv mus hais kom tag nrho pejxeem thoob plaws tebhcaws Asmekas koom tes nrog pejxeem Minnesota. Tsis paub tias ICE yuav tuaj nrog lub nroog twg. Nws hais tias tam sim no BCA tab tom xwj txog qhov teebmeem ICE tua tus pojniam. Cov tub ceevxwm hauv xeev Minnesota txoj haujlwm yog tuaj pab tiv thaiv kom pejxeem muaj kev nruaj ntseg thiab kev nyab xeeb tsis yog tua ntes ib tug twg raws Governor cov lus hais.
Homeland Security Secrectary Kristi Noem hais tawm tias coob tshaj 1,000 tus neeg raug ICE ntes txij thaum 2,000 tawm tus ICE agents tuaj rau xeev Minnesota.
Hnub no 1/7 hnov lub hais tawm los ntawm Maplewood City Council member Chonburi Lee hais tias nws yuav npaj los khiav ua tus tswv zos hauv nroog Maplewood. Xyoo no yog xyoo 4 uas Chonburi twb los ua tus City Council hav Maplewood lawm. Lub 11 hli 2026 no Chonburi yuav los sib tw ua Mayor hauv nroog Maplewood. Cov homphiaj tseem ceeb yog nws raug xaiv los ua Mayor yog, Economic Development – kev lagluam, Community Engagement – kev koom tes hauv zej zog, public safety-kev nyab xeeb rau pejxeem, infrastruction thiab quality of life – vaj tse thiab kom muaj lub neej zoo. Tamsim no kuj muaj ntau tus nom nyob rau hauv nroog Maplewood txhawb nqa Chonburi Lee txoj kev los ua Mayor.
Hnub no peb kuj hnov los ntawm Yim Leej Xyooj uas yog Marathon County Supervisor thiab D.C. Everest School Board Treasurer, npaj yuav los sib tw ua tus State Treasurer hauv xeev Wisconsin. Yim Leej Xyooj saib $1.3 lab dollas tuaj pab rau tsev kawv ntawv. Yim Leej ntseeg lawm hais tias nws yeej muaj tswvyim los khiav ua tus tub tuav nyiaj txiag hauv xeev Wisconsin.
Thaum kawg no Jim Vwj uas yog ib tug St. Paul Public School Board member hais tawm tias nws yuav tsis khiav ua tus school board member ntxiv lawm. Hnub kawg ntawm tus txoj dejnum yog lub 2/17/2026. Jim twb ua school board member tsev kawm ntawv txij thaum 2020 los lawm. Jim hais tais nws tseem yuav ua haujlwm ntxiv rau qhov Hmong Project uas niam txiv Hmoob xav tau. Jim kuj tsis qhia yog vim li cas nws thiaj li txiav txim hla tawm haujlwm.
Ntawm no yog 3HMONGTV Newsbrief, kuv yog Yau Muas. Mus subscribe rau PEB tshooj TV nej thiaj li pom peb cov video peb thaij ncaj nraim tuaj rau nej saib.
