Tsev neeg ntawm tus ntxhais Maiv Vwj 18 xyoo uas nws ploj lub 10/31 khwv yees li ntawm 11 teev tsaus ntuj nyob ze ntawm Bill Graham Civic Auditorium hauv nroog San Francisco tshaj tawm kev pab los ntawm pejxeem. Lub sijhawm peb tshaj ntawm no tub ceevxwm tab tom tshawb nrhiav tus ntxhais Maiv Vwj no. Yog tias leejtwg pom thiab paub txog tus ntxhais no, hu rau San Francisco Police Department Missing Person Unit ntawm tus xov tooj no.
Peb rov tshaj ib zaug ntxiv hais tias cov tub ki thiab cuab kwvtij yuav muab Sawm Lis lub cev los ua kev cai nyob lub nroog Plant City, xeev Floriday, hauv lub tsev txias Hopewell Memorial Gardens rau lub 11/16 txog 18. Sawm Lis yeej ib txwm nyob xeev Minnesota los ntev lawm tiam sis nws txav mus nyob rau xeev Florida vim huab cua zoo. Cuab kwvtij thov tshaj tawm rau cov phoojywg paub tias yog leejtwg xav pab nyiaj tshaj ntuj hu tau rau cov xovtooj li ntawm no. Sawm Lis muaj txiaj tsim rau kvwtij neejtsa ntau los ntawm nws txoj kev ua txiv qeej pab rau sawvdaws.
Hmoob lub tsiab peb caug nyob xeev Minnesota yuav tshwm sim rau lub 11/30 thiab 12/1 nyob rau hauv St. Paul RiverCenter. Xyoo no lub Hmoob Minnesota lub tshiab peb caug twb ua los ntau 44 xyoo lawm. Pib nkag yog $12 dollas tauj rau ib tug neeg.
Yog nej leejtwg nyob xeev Minnesota es xav paub txog kev mus contract rau cov haujlwm hauv State of Minneosta, cawv nej tuaj koom lawv qhov kev sib ntsib nyob rau lub 11/13 thaum 9 teev sawv ntxov mus txog 1:30 tav su nyob rau ntawm qhov chaw nej pom ntawm no. Lawv yuam muaj networking thiab workshops qhia rau nej txog State contracts. Lawv yuav qhib rau cov neeg minority thiab pojniam tuaj mus koom. Yog koj xav kawm txog kev mus contract nrog state, mus register ntawm tus QR Code li pom ntawm no tamsim no tsam lig lawm.
