Hnub no yog hnub tom qab kev xaiv nomtswv, former President Donald Trump yeej ntawm kev pov npav los ua tus President thib 47 hauv tebchaws Asmeskas. Nag hmo thaum paub tias Donald Trump yeej lawm, nws los hais lus rau nws cov supporters. Trump hais tias peb yuav los txhim kho lub tebchaws no, yuav los kho txhua yam, thiab yuav los kho ciam teb Asmeskas. Nws hais ntxiv tias nws yuav los ua txhua yam tag nrho nws lub zog thiab txoj pa rau txhua tus pejxeem Asmiskas.
Hnub no Vice President Kamala Harris tawm los hais lus rau cov neeg txhawb ua ntu zus txhawb nws los txog tamsim no. Cia kuv muab txhais me ntsis rau nej sawvdaws. Nws hais tias nws qhov xaus zoo li no tsis yog qhov nws thiab sawvdaws xav tau thiab sib zog rau. Nws hais ntxiv tias tsis yog nws los hais lus lees txog kev swb xwb tiam sis los hais txog tias yeej yuav muaj lub teeb ci rau yav pem suab. Nws lees kev swb ntawm kev sib tw tiamsis nws tsis lees kev swb ntawm kev zibzog ua haujlwm pub txhua tus pejxeem Asmeskas kom muaj vaj huam sib luag, kom pojniam muaj kev txiav txim rau lawv lub cev txhob cia lwm leej lwm tus los txiav txim. Nws hais ntxiv tias kom pejxeem Asmeskas txhob tag kev cia siab tseem tshuav kev zoo mus tom ntej.
Win Vang thiab Hmong Yang twb tuaj txog xeev Minnesota lawm. Nyob rau hmo no 3Hmongtv tau cawv Win Vang thiab Hmong Yang tuaj nrog peb tham nyob rau ntawm Thamkuv. Lub ntsiab nkawv tuaj zaum no yog tuaj ua ib lub concert nrhiav nyiaj los pab lub koomhaum nonprofit ALW Foundation. Lub koomhaum no tsa los ntawm Leng thiab Gloria Vang tom qab nkawv tus ntxhias tau txo nws txoj sia vim muaj kev nyuaj siab. Lub koomhaum no muaj grants los pab cov neeg muaj kev nyuaj siab kom nws muaj kev kaj siab thiab cia siab hauv lub neej. Lub concert hais los ntawv yuav muaj rau lub 11/23 nyob rau hauv Myth nroog Maplewood, xeev Minnesota.
