Tus ntxhais Mai Sai Vue, 18 xyoo, uas tau ploj hauv lub nroog San Francisco rau lub 10/31 tau tag sim neej lawm. Raws li tub ceevxwm tau hais, nws lub cev rhiav tau los ntawm cov divers ze rau ntawm McNears Beach. Tub ceevxwm kuj xwj thiab paub tseeb tias kev tag sim neej zaum tsis yog neeg phem tua nws. Mai Sai tsev neeg tsa muaj ib lub gofundme account nrhiav nyiaj los pab rau nws lub ntees li nej pom ntawm no. Tsev neeg yuav muab nws lub cev los ua kev cai rau lub 12/18 thiab 19 nyob rau ntawm Moon Sun Memorial Service hauv lub nroog Sacramento, xeev California.
Raws li xovxwm tau tshaj tawm, yog tias Donald Trump los ua tus President hauv tebchaws Asmeskas xyoo 2025 no, nws yuav tsis pub kom muaj qhov Affordable Care Act uas tsim los ntawm President Obama xyoo 2010. Qhov Affordable Care Act no tsim los pab rau cov neeg ua tsis tau health insurance los ntawm lawv txoj haujlwm. Coob tshaj ntawm 3 lab tus neeg laus yuav plam lawv cov health coverage nyob rau 9 lub xeev xws li Arizona, Arkansas, illinois, Indiana, Montana, New Hampshire, North Carolina, Utah thiab Virginia.
Tamsim no, raws li xovxwm tshaj tawm, Minnesota Attorney General Keith Ellison tab tom raug foob tus former Superintendent hauv lub tsev kawm ntawv Hmong College Prep Academy uas yog Dr. Christianna Hang. Muab hais koj sawvdaws to taub zoo vim li cas lawv thiaj li foob Dr. Christianna Hang. Nyob rau xyoo 2019 Dr. Christianna Hang tau muab $5 lab dollas hauv lub tsev kawm ntawv mus invest rau lub investment company hua ua Woodstuck tsis qhia rau lub tsev kawm ntawv. $4.3 lab dollas tau ploj tsis tau rov los lawm. Dr. Christianna Hang thiaj li tshem nws tub kheej tawm hauv tsev kawm ntawv. Tam sim no Attorney General Keith Ellison tig rov foob muab kom tau $4 lab dollas rov los thiab kom Dr. Hang yuav tsum lav lees lub txim ntawv.
Lub weekend yuav los no ua yog lub 12/8 nyob rau ntawm Buasavanh Banquet Hall, yuav muaj ib qhov kev nco txog Nai Phoo Vaj Pov los ntawm lub koom haum SGU Veterans and Families of USA. Lub 12/8 yog Nai Phoo Vaj Pov lub hnub yug. Txawm tias Nai Phoo Vaj Pov ncaim ib tsoom Hmoob lawm los, sawvdaws tseem hawm thiab thov nws koob hmoo. 3HmoobTV yuav mus thaij live tuaj rau nej sawvdaws saib. Tig los saib peb rau hnub ntawv.
Yog tias nej paub los yog muaj xovxwm tseem ceeb, hu rau 3hmongtv.
