Tam sim no muaj hnub los so los yog holidays lawm, Minnesota Department of Health ceeb toom rau pejxeem sawvdaws kom yuav tsum tiv thaiv tus kab mob hu tias norovirus. Muaj khwv yees li ntawm 40 tawm qhov cases txoj tus kab mob no tshaj tawm nyob hauv xeev Minnesota rau lub hlis no xwb. Tus kabmob no lawv kuj hu tias “Stomach Flu”. Cov kabmob Norovirus no ua rau yus ntuav raws plab thiab mob plab tsis tas li ua rau yus muaj daus no mob taub hau thiab mob ib ce.
Muaj holidays li no lawm, cov kab mob no kis yoojyim thiab muaj ntau tuaj lawm. Minnesota Department of Health ceeb toom rau sawvdaws kom yuav tsum ntxuav ntes nrog xab npum tom qab ua ntej npaj zaub mov noj, los yog tom qab siv tsev dej los yog hloov menyuam diaper. Cov tshuaj pleev tes yuav tsis tua tau cov kab mob no. Tsis txhob no zaub mov ua los ntawm cov neej muaj mob ob peb hnub dhau los. Ntxuas tais diav thiab rooj tog kom hu si yog thaum muaj neeg mob siv lawm. Tsis tas li yuav tsum muab oyster los yog pias deg thiab ntses hauv kom siav mam noj thiaj li tsis kis tus kab mob no raws li hais los ntawm Minnesota Dept. of Health.
Xeev Minnesota yog ib lub ntawm 5 lub xeev uas zoo los retire thaum laus lawm raws li kev tshawb fawb vim yog muaj kev ua rau neeg nyob jwj siab, tsev los pheej yig, muaj kev nruaj ntseg, nqi kho mob pheej yig, thiab kev noj haus los tsis kim pes tsawg.
Lub hli dhau los Governor Tim Walz tshaj tawm tias nomtswv hauv xeev Minnesota muab $6 Lab dollas grants los pab cov laus kom nyob twj ywm tsis txhob khiav mus qhov twg thaum laus lawm. Cov nyiaj no yuav los pab nrhiav tsev rau lawv nyob thiab them cov neeg los saib lawv.
Tsis ntev dhau los no, xoxwm tshaj tawm tias muaj ib tug substitute xibhwb qhia ntawv nyob hauv nroog St. Paul tau raug lub felony tom qab nws tau kov thiab tham ib tug menyuam kawm ntawv los tau muaj ib lub xyoos. Taylor Walue Vang, 29 xyoos, raug lub txim 4th degree ciminal sexual conduct rog ib tug menyuam kawm ntawv 11 xyoos hauv tsev kawm ntawv Community School of Excellence. Raws li kev xwj txij thaum 10/10/2024 los mus, tus menyuam qhia tias tus xibhwb ntawv kov, hnia, thiab sau ntawv tsis zoo rau nws. Tsev kawm ntawv hu rau tub ceevxwm ces muaj nws tshem ntawm lawm. Zaum no tsis yog thawj zaug, nws twb kov ob peb tug menyuam thaum lub 6 hli 2024 lawm. Tus xibhwb no raug txim nyob qhov taub 10 xyoo thiab them $20,000. Nws yuav rau los hais plaub rau lub ib hlis yuav los no.
Thaum kawg no, tus raug xaiv los ntawm St. Paul Public School Board of Education los ua tus Superintendent yog Dr. Stacie Stanley. St. Paul Paul Public school muaj ntau tshaj li ntawm 32,000 tus menyuam kawm ntawv. Ua ntej ntawv, Dr. Stacie Stanley nyob ib tug Superientendent saib xyuas Edina Public Schools. Dr. Stanley kawm tag nws daim Bachelor thiab Master txog education los ntawm St. Catherine University thiab tau nws daim Doctor degree los ntawm Bethel University. Tam sim no lawv tab tom los ua kom tiav nws daim contract cev mam pib haujlawm.
Raws li paub, tus Superintendent qub ua yog Dr. Joe Gothard tawm mus ua txoj haujlwm tshiab thaum lub 2/26/2024 lawm.Lawv kuj nrhiav neeg los tuav txoj haujlwm no los tau li 6 lub hlis lawm.
Ntau tus niam txiv Hmoob tsis txaus siab vim lawv hais tias SPPS cov board tsis muab sijhawm txaus rau lawv tuaj sab laj txog kev xaiv tus Superintendent. Lawv ntseeg tias yog thaum xaiv tau tus tsis paub txog kev kawm los ntawm cov menyuam Hmoob kawm ntawv ces tej program yuav raug txiav thiab tsis muaj kev pab lawm. Yav dhau los SPPS lawv yeej tsis muaj kev pab cuag ncua pub thiab txhawb rau cov niam txiv Hmoob txog tsim kom muaj tsev kawm ntawv thiab program zoo.
