Tamsim no President Trump kos ib daim proclamation nthuav txwv tsis pub neeg tuaj nkag Asmeskas teb ntawm 19 lub tebchaws mus rau 39 lub tebchaws lawm. NPlog yog ib lub ntawm cov tebchaws hais los no. Tamsim no raws tebchaws Nplog raug tso rau qhov tsoomfwv hais tias Full Entry Ban txhais tau tias txhua tus pejxeem Nplog txwv tsis pub ua daim Immigrant Visa thiab feem ntau cov nonimmigrant visa pib lub 1 hlis hnub 1 xyoo 2026 mus. Trump Administration ua li no vim yog lawv txhawj xeeb txog kev ruaj ntseg los yog national security thiab vetting los yog kev txheeb soj ntsuam cov neeg uas tuaj nkag tebchaws Asmeskas. Ib qhov ntxiv mus cov tebchaws uas tsoomfwv txwv no vim yog lawv tsis muaj kev koom tes rau ntawm kev txais neeg rov qab los yog deportation. Tsis tas li, nyuam qhuav tsis ntev dhau los, muaj ib tug neeg Afghan tuaj rau Asmeska raws ntaub ntawv tau tua ob tug tub rog Asmeskas nyob Washington DC. Yav dhau los tsoomfwv Asmeskas muaj Nplog teb tso partial restrictions tiamsis tamsim no lawv txwv tu nrho los yog full travel ban tsis pub neeg Nplog tuaj tebchaws Asmeskas lawm. Raws li xovxwm tshaj tawm, cov neeg ua tau visa mus los yog cov lawful permanent residents uas yog cov neeg muaj ntaub ntawv nyob tebchaws Asmeskas, cov neeg ib txwm tuav visa, cov kis las, thiab cov nom tswv ntawm tebchaws tauj techaws.
Nyob rau ntawm President Trump cov lus hais rau pejxeem Asmeskas nag hmo 12/17, nws tau hais tias khwv yees li ntawm 1,450,000 tus tub rog Asmeska yuav tau txais $1,776 dollas ua ntej Christmas. Trump hais tias kev lagluam los nce siab tuaj lawm, roj tsheb los nqi lawm, khoom noj khoom haus los poob los qis lawm tiamsim raws li kev tshawb kuaj qhov tseeb, cov lus no tsis muaj tseeb raws li xovxwm tshaj tawm. Qhov ntau Trump liam rau pab Democrats txog kev lagluam mus rau lwm yam. Raws li kev tsuam xyuas los ntawm NBC News, 58% ntawm pejxeem Ameskas tsis pom zoo txoj Donald Trump tes dejnum, 42% pom zoo.
Tamsin no United Nations Human Rights tshaj tawm tias muaj li 740,000 tus pejxeem Thaib thiab Khabmin khiav tawm los tej tsev. Tsis tas li cov chaws teev hawm thiab vaj tse raug foob pob tua ntsoog tag lawm ntawm drones, nyob hoom, thiab phom loj. Raws li cov cai ntawm kev tsov rog, yuav tsum kom muaj kev tiv thaiv pejxeem txoj sia thiab vaj tse. Qhov nov yog qhov tseem ceeb raws li hais los ntawm United Nations Human Rights.
Thaum kawg no, nyob xeev Minnesota, property tax yuav nce. Muaj tej qhov chaws, se yuav nce 10% mus rau 20%. Tej lub nroog tseem yuav nce mus li ntawm 35% raws li xovxwm hais tawm.
Ntawm no yog 3HMONGtv Newsbrief, Kuv yog Yau Muas. Subscribe rau peb HmongTV tshooj Youtube thiab caum peb hauv Facebook.
