Hnub no Rep. Mai Xiong nyob xeev Michigan muaj ib lub press conference txais tos Lwm Yaj rov los tsev hauv nroog Grand Rapids xeev Michigan lawm. Lwm Yaj raug ICE ntes mus kaw twb ze li 6 lub hlis mam tso rov qab los. Raws li nej pom ntawm no, Lwm Yaj sawv nrog nws pojniam thiab menyuam. Rep. Mai Xiong kuj yog tus ntaus thawj sib zog ua haujlwm tiv thaiv tsis pub ICE xa Lwm rov qab. Kuj muaj cov kws lij choj nrog rau cov nom tswv sib zog khiav dej num es hnub no ICE thiaj li tso Lwm rov los txog vaj txog tsev.
Nag hmo President Trump hais tawm tias nws tsis xav yuav cov neeg Somali nyob rau tebchaws Ameskas. Trump hais ntxiv tias cov neeg Somali yog neeg khib Nyiab xwb lawv ua tsis tau dabtsi rau lub tebchaws no. Hnub no mus rau ob peb hnub tom ntej no, Trump npaj tso li ntawm 100 ICE agents tuaj ntes neeg Somali nyob xeev Minnesota uas tsis muaj ntaub ntawv nyob tebchaws no. Yog li no Mayor Jacob Frey nyob nroog Minneapolis thiab Mayor Melvin Carter hauv nroog St. Paul tsam muaj ib lub press conference tawm tsam Trump. US Senator Tina Smith los puav leej tsis txaus siab rau Trump. Tus thawj tswj tub ceevxwm nyob nroog Minneapolis los puav leej tsis txhawb qhov kev tso ICE agents tuaj. Tub ceevxwm hauv nroog Minneaoplis tshaj tawm tias kom pejxeem hu 911 yog tias lawv pom tejyam txawv los yog tshwm sim los ntawm ICE. Minnesota Attorney General Keith Ellison hais tias lub xeev Minnesota yeej yuav sawv ntseg ntsees nrog cov pejxeem Somali. Department of Human Service Secretary Kristi Noem hais tias raws li nws xwj mas 50% ntawm cov visa thiab cov programs pab neeg yog cuav dag nyiaj no xwb. Tamsim no Trump administration tab tom xwj Governor Tim Walz txog tej kev no.
Txij lub 2/1/2026 mus yog tias koj mus ya nyob hoom tsis muaj daim ntawv Real ID los yog ntaub ntawv tseem ceeb qhia tias koj yog leej twg TSA yuav nplua $45 dollas ua ntej lawv cia koj ya dav hlau hauv tebchaws Ameskas.
Tamsim no Trump Administration txwv me ntsis tsis pub ua ntaub ntawv thov npav ntsuab los yog ua citizen hauv tebcaws Asmeskas. Tebchaws Nplog yog ib lub ntawm 19 lub tebchaws uas raug txwv me ntsis txog qhov nov. Txij thaum tus neeg phem tua ob tug tub rog hauv Washington DC, Trump Administration txwv kev ua ntaub ntawv rau cov neeg tuaj rau tebchaws Asmeskas. Tsis tas li tsoomfwv tseem npaj tshawb cov twb muaj ntaub ntawv nyob tebchaws no los xyuas dua. Qhov no yuav ua kom nyuaj rau neeg Nplog tuaj ua haujlwm, kawm ntawv los yog tuaj saib cov txheeb ze teb chaws no.
Xovxwm tshaj tawm tias pib xyoo 2026 mus, hnub nyoog los so los yog retire yuav nce mus rau 67 xyoo. Yog tias leejtwg xav retire ua ntej ces lawv yuav txo cov nyiaj tau txhua lub hlis kom tsawg. Yog tias leejtwg xa retire tsis ua haujlwm lawm yuav tsum paub seb yus puas muaj nyiaj txaus retire, yus puas noj qab nyob zoo, thiab yus puas muaj lwm txoj kev ua tau nyiaj los yug yus ua ntej yus los so.
Peb hnov tias Dr. Vaj Sawm tau tag sim neej lawm. Nws tau tag sim neej rau lub 11/27 dhau los no nyob xeev California. Dr. Vaj Sawm yog ib tug ua haujlwm pab Hmoob los tau ntau xyoo nyob tebchaws Asmeskas. Tsis tau paub tseeb tias tsev neeg yuav muab nws lub cev los ua kev cai thaum twg.
