Governor Walz tshaj tawm tias kom pejxeem minnesota tawm tsam kom ncaj ncee xwb tsis pub tsoo vaj tsoo tsev. Raws li Governor Walz hais, nws twb yeej npaj cov National Guard thiab tub ceevxwm kom lawv nyob standby yog hais tias muaj teebmeem loj khoom tsis tau pejxeem lawm.
Tamsim no coob tshaj 5,000 tus pejxeem Minnesota sawv tawm tsam om ICE cia li tawm xeev Minnesota. Kev xa cov ICE agents tuaj ntxiv vim yog DHS pom tias cov tub ceevxwm hauv zej hauv zos tsis muaj peevxwm saib xyuas kev ruaj ntseg. DHS hais tias xa ICE tua ntxiv tsis yog politics los yog los ntawm kev nom kev tswv tiamsis yog kev yuam kom pejxem ua raws li txoj cai thiab vim tias nom tswv hauv xeev Minnesota tsis pom zoo ua li ICE hais lawm.
Tamsim no nyob rau tebchaws Venezuela, muaj kev kub ntxho heev lawm. Nomtswv Ameskas ceeb toom kom pejxeem Asmekas khiav tawm hauv tebchaws Venezuela sai li sai tau. Raws li xovxwm hais tawm, muaj ib pab tub rog kaw kev tshawb tej tsheb seb pejxeem puas yog neeg Asmeskas los yog pab Asmeska. Qhov travel warning rau tebchaws Venezuelas nce mus txog 4 uas tsis pub ib tus neeg twg mus uasi rau li tebchaws li lawm.
Nag hmo los rau hnub no, nyob hauv xeem Minnesota, raws li neeg tso hauv social media hais tias ICE tuaj rau Hmoob tej kiab khw soj npaj ntes pejxeem. Pom tau hais tias Hmoob ob lub khws loj uas yog HmongTown Market place thiab Hmong Village, neeg tuaj yuav khoom yeej tsawg lawm vim yog sawvdaws ntshai tsam raug ICE ntes. Muaj teb lub kws cov tswv yeej muab paib tiv tsis pub ICE nkag thiab txwv tsis pub ICE tuaj nres tsheb soj neeg mus los.
Yog leeg twg rau ICE ntes los yog ICE tuaj khob qhov rooj, nco ntsoov tias nej muaj cai. Nej tsis qhib qhov ICE los tsev los yeej tau, thiab nej muaj cai tsis tham nrog lawv los yeej tau. Ua ntej yuav qhib lawv los tsev, ICE yuav tsum muaj daim ntawv uas yog Judicial Warrant uas kos npe los ntawm kws lijchoj. Yog xav paub cov cai no kom meej tshaj qhov no, mus saib ntawm no.
Sawvdaws mus txoj kev twg los yuav tsum xyuam xim, nqa ntaub tawm tseem ceeb nrog nej, ua siab txias txias tsis txhob ua kub ua ntxhov yog thaum raug ntes. Paub nej cov txheeb ze cov xovtooj.
Ntawm no 3hmongtv newsbrief, kuv you Yau Muas. Nco ntsoov mus subscribe rau peb tshooj TV hauv Youtube nej thiaj li pom peb cov xovxwm.
