3HMONGTV NEWS (08-28-2025) – Hnub no thaum sawv ntxov nyob hauv nroog Minneapolis, muaj ib tug neeg phem tua raug 2 tug menyuam 8 xyoo thiab 10 xyoo tau tag sim, muaj li ntawm 17 leej raug mob, 14 ntawm 17 leeg yog menyuam, hauv lub Annunciation Church. FBI Director Kash Patel sau tawm tias qhov tua no yog domestic terrism thiab kev ntxub ntxaug cov Catholics. Thaum lub sijhawm tua no tab tom cov menyuam los zaum thov vajtswv. Tus neeg phem no yog Robin Westman, 22 xyoos. Nws lub npe thaum yug yog Robert Westman uas yog ib tug tub tiamsis tom qab no hloov lub npe los ua tus ntxhais lawm. Thaum khwv yees lis 8:30 sawv ntxov, nws nres tsheb hauv parking lot, nqa 3 rab phom, ib raj yog phom uas yog rab rifle, ib rab yog phom shotgun, ib rab yog yaj phom. Tus neeg phem no thiaj li muab phom tua nraum zoo ntawm lub qhov rai mus rau cov menyuam. Xovxwm hias tias ua ntej tus neeg phem tua, nws ua ib qhov video tawm hauv Youtube txog kev yuav mus tua neeg. Pom tau tias cov kev sib tua Mass Shooting zoo li no tsis yog tias tshwm sim nyob rau xeev Minnesota xwb, yeej ua ntu zus tshwm sim nyob rau ntau lub xeev thoob plaws Asmeskas.
Nag hmo lub 8/26, muaj ib lub koom txoos nyob rau ntawm Diane’s Place hauv nroog Minneapolis. Lub koom txoos no tshwm sim vim yog xav kom cov nom tswv ntawm pab pawg Democrat sawv ncev ntawm Democratic National Convention tuaj ntsib cov pejxeem Asian American Pacifi Islander tshwj xeeb yog Hmoob. Cia peb mus saib tau.
Lub week yog cov nomtswv ntawm pab pawg Democrat tuaj sib tham hauv xeev Minnesota ces kuj muaj zoo sijhawm lawv los ntsib sawvdaws.
Lub sijhawm mus tso qhauv rau dais twb pib lub 8/15 los lawm. Sijhawm tua dais yog lub 9/1 mus txog 10/12. Sijhawm tua nas yog lub 9/13 mus txog lub 2/28/2026. Sijhawm tua os yog lub 9/27 mus txog 11/25. Yog hais nej leejtwg xav paub txog cov cai yos hav zoov, nej mus saib ntawm DNR lub website li nej pom ntawm no. https://www.dnr.state.mn.us/regulations/hunting/index.html
Nyob rau ntawm lub website no, lawv muab cov cai yos hav zoov sau ua ntawv Hmoob. Yog xav tau, lawv kam xa ib phau cai tuaj rau nej. Xav paub ntau ntxiv, mus saib peb kev sib tham nrog Hmoob ib tug tub ceevxwm saib av thiab nroj tsuag ntawm no.
Minnesota DNR xav kom sawvdaws mus yos hav zoo tiamsis kom mus xyuam xim thiab ua raws li txoj cai. Hnav khaub ncaws ci liab daj thiab tsis txhob mus dhau hauv av muaj tswv.
