Tamsiim no Rep. Kaohly Her txog haujlwm yog Speaker Pro Tempore nyob hauv Minnesota House thiab Co-Chair hauv House Commerce Finance thiab Policy Committee. Rep. Kaohly Her sau ntawv tawm hais tias “peb xav tau ib tug Mayor muaj siab npaj nrog zej zog tham txog kev coj lub nroog St. Paul mus rau tom ntej”. Nws hais ntxiv tias peb lug nroog xav tau kev ruaj ntseg hauv tej kev, kom muaj tsev kawm ntawv khov kho, thiab kom muaj vameej hauv zej zog. Kev noj kev haus kim tuaj lawm. Tsev los kim thiab kev lagluam los mus tsis ntaus lawm. Nws xav kom muaj ib tug thawj coj muaj cov zeem muag no. Tus thawj coj uas muaj peevxwm los keb Trump cov teebmeem ce se los yog tariffs, kev teebmeem immigration thiab deportation, thiab kev txiav nyiaj los ntawm nomtswv Federal. Nws yuav yog tus thawj coj ntawv nyob rau lub sijhawm no. Vim yog li no, Rep. Kaohly Her thiaj txiav txim los khiav rau lub meejmom Mayor rau nroog St. Paul.
3Hmongtv yuav taug qab Rep. Kaohly lub campaign mus ntxiv. Vam tias sawvdaws yuav tig los saib seb puas yuav muaj txoj kev nws yeej lub meejmom no.
3HMONGTV zoo siab tias peb qhov program ua nrog Ramsey County hu ua Nyob Zoo Ramsey County raug xaiv tau thib 1 los ntawm Northern Lights Awards uas tsim muaj los ntawm Minnesota Association of Government Communicators. Nyob Zoo Ramsey County tau thib 1 txog ntawm qhov category DEI Advancement in Your Community uas txhawb nqa kom muaj sib txawv, kev ncaj ncee, thiab kev koom nrog zej zog. Qhov program Nyob Zoo Ramsey County no twb tsim los yuav luag tau ib xyoo no lawm. Peb xav muab lub sijhawm no los ua tsaug rau Sheng Elizabeth Lor los host qhov program no thiab ua tsaug ntau rau kev koom los ntawm Ramsey County. Vam tias tom ntev no peb tseem yuav npaj kom muaj cov program los pab rau tsev neeg Hmoob. Nco ntsoov Subscribe 3HMONGTV hauv Youtube thiab caum peb nyob hauv Facebook.
