Tamsim no Department of Homeland Security kam muab $3,000 dollas thiab yuav pib nyob hoom rau cov neeg tsis muaj ntaub tawv nyob khiav tawm tebchaws Asmeskas coob li coob tau, yog hais tias lawv txaus siab mus register rov qab mus rau lawv tebchaws uas lawv hu tias Self Deport. Qhov muab nyiab txhawb siab no twb yog 3 npaug ntawm $1,000 dollas uas lawv muab yav dhau los. Tsis tas li lawv tseem zam txim rau tej kev uas cov neeg no ua txhaum yav tag los. Trump administration muab nyiaj ntxiv los pab khiav haujlwm kom cov neeg tsis muab ntaub ntawv nyob rov qab mus rau lawv tebchaws coob li coob tau.
Tamsim no ICE tig mus ntes neeg hauv cov khw Salon los yog khw txiav plaub hau, ua rau tes rau taw, kho cev nqaij daim tawv ua zoo nkauj. Vim cov khw no muaj neeg coob tsis muaj ntaub ntawv nyob tebchaws no tuaj ua haujlwm. Kev ntes neeg nyob rau cov khw no muaj nyob rau Georgia thiab New York.
Xovxwm tsaj tawm tias ICE ntes tau Xai Lor, 45 xyoos. Xai raug txim vim tub sab nyob rau nroog San Diego, xeev California ce raug mus kaw 6 xyoo. Xovxwm tshaj tawm tias nws yog ib tug neeg muaj txim tsis muab ntaub ntawv nyob tebchaws no. Tsis paub tseeb tias Xai puas muaj npav ntsuab los twb yog US citizen lawm.
Tamsim no raws li xovxwm hais tawm, ntau tshaj ntawm 2,000 tus neeg nrog 2 but menyuam tau tag sim neej vim yog los ntawm kabmob Flu. Cov kabmob ua lawv hu tias H3N2 strain uas tamsim no ua rau neeg mob coob heev. Raws li lus tshaj tawm hauv Minnesota Department of Health, muaj khwv yees li ntawm 558 tus neeg tau mus hoo maum, 3 leeg tau tag sim neej nyob hauv xeev Minnsota. Lawv ntseeg hais tias tom ntej no tseem yuav muaj neeg mob coob los ntawm tus kabmob no. Tseem ceeb kom sawvdaws yuav tsum ntxuav ntes kom huv si, npog ntaub qhov cauj yog tias yus muaj mob, los yog mus xyawg neeg coob, tsis tas li qhov tseem ceeb tshaj yuav tsum mus txhaj tshuaj flu shot.
Tus txiv neej hu ua Quinten Austin, 48 xyoo, uas tsav tsheb los tsoo tus pojniam Hmoob uas npe hu tias Pashoua Lor, raug 2 lub txim. Lub txim ib yog Second-degree reckless homicide. Lub txim 2 yog Second-degree reckless injury. Qhov tsheb sib tsoo no yog lub 12/16 ua ntej thaum 2 teev sawv ntxov nyob hauv nroog Milwaukee. Tub ceev xwm nrhiav tau ib lub Toyota Camry tsoo pem tob hau tuaj thiab coj 2 tug neeg raug mob mus kho tim hoom maum lawm. Tom qab tsis ntev, ib tug uas yog Pashoua Lor tau tag sim neej. Quinten raug rov mus hais plaub rau lub 1/2/2026 raws li xovxwm tshaj tawm.
Xav qhia kom sawvdaws kom ceevfaj vim yuav txog Christmas, muaj neeg phem hnav ris tshob xws li neeg xa ntawv los yog xa khoom tuaj khob qhov rooj. Yog muaj neeg zoo li no tuaj khob nej qhov rooj, tsis txhob cia li qhib lawv los tsam lawv yog neeg phem. Ua ntej nej yuav txais ib daim ntawv los yog ib pob khoom tseem ceeb, tsev xa ntawv yeej ceeb toom rau nej ua ntej lawm. Tamsim no muaj neeg phem coob heev sawvdaws yuav tau xyuam xim.
Thaum kawg no, Nkauj Hli Hawj ua yog St. Paul tus Mayor -Elect yuav los tsa ntes txais nws lub meejmom Mayor rau lub 1/2/2026 thaum 1 teev tav su nyob rau tom St. Catherine University hauv lub O’Shaughnessy Auditorium. Yog leejtwg xav mus saib, nej mus rau ntawm lub website no mus register sai li sai tau vim chaw tsis txaus rau sawvdaws mus coob. Kaohly Her los tsa ntes ua Mayor thib 56 thiab yog thawj tus pojniam los tuav lub meejmom hauv keebkwm nroog St. Paul. Qhov nov yog ib qho dab neeg muaj txiaj ntsim heev rau haiv neeg Hmoob thoob plaws ntiaj teb. stpaul.gov/2026inauguration
Ntawm no yog 3Hmongtv Newsbrief, Kuv yog Yau Muas. Nco ntsoov mus subscribe rau peb tshooj Youtube channel thiab caum peb hauv Facebook nej thiaj pom peb thaij ncaj nraim tuaj rau nej saib.
