Tamsim no nyob hauv xeev Minnesota, Mayor Jabcob Frey thiab Mayor Kaohly Her koom tes nrog MN Attorney General Keith Ellison, ua ntaub ntawv foob Department of Homeland Security kom ICE cia li ntawm hauv Xeev Minnesota.
Raws li xovxwm tshaj hais tawm, coob tus thawj coj ntawm kev ntseeg nrog rau cov thawj coj koomhaum thiab pejxeem yuav npaj ib hnub uas lawv hu tias A Day of Truth and Freedom rau lub 1/23 tawm tsam ICE kom hnub ntawv sawvdaws tsis txhob mus ua haujlawm, tsis mus kawm ntawv los yog tsis txhob mus kav kiav kav khw. Lawv hais tias immigrants tsis yog ib qho teebmeem. Immigrants yog cov tsim kom muaj haujlwm. Lawv yog phoojywg, thiab yog cov tsim lub zej lub zos.
Rep. Randy Fine nyob xeev Florida qhia txog tsab cai pom zoo kom Donald Trump muab tebchaws Greenland los ua Asmeskas lub xeev 51. Tiamsis pejxeem Greenland thiab cov neeg Danish tsis pom zoo vim ua li no yuav kom tawg ntawm NATO. Lub neej Yav tom ntej rau tebchaws Greenland yog cia rau cov pejxeem mam txiav txim.
Xovxwm hais tawm hais tias cov commissioners nyob hauv Washington County tab tom sib tham ua kom muaj ib lub tsev ICE kaw neeg los yog ib lub ICE detention center nyob rau hauv Woodbury. ICE kuj tsis tham nrog Woodbury tus Mayor. Yog hais tias muaj li cas nws mam qhia sawvdaws paub.
Cov neeg uas ICE agents ntes nyob rau hauv lub khw Target hauv nroog RitchFiedl puav leej yog Citizen Asmekas raws li xovxwm hais tawm. Tsis yog hais tias ICE ntes neeg hauv kiab khw xwb tiamsis lawv mus qhov rooj rau qhov rooj ntes neeg. Raws li nej pom ntawm daim video no, ICE agents tuaj rau khob qhov rooj ntawm ib yim Hmoob. Lawv tsis pub qhib qhov rooj tsis pub nws los hauv tsev ces cov ICE agents ntawv nrov mus lawm. Tej yam zoo li no yeej yuav muaj zuj zus ntxiv mus tom ntej.
Trump administration tshaj tawm hnub no tias yuav nres tsis pub muaj qhov temporary protection status los yog TPS rau cov neeg Somali nyob rau tebchaws Asmeskas tom qab lub 3/17/2026 mus. Qhov nov yuav raug rau 500 mus rau 600 tus pejxeem Somali nyob xeev Minnesota. Qho temporary protection status no twb tsim muaj los pab rau cov neeg Somali xyoo 1991 lawm. President Biden muab ncua los txog lub 9 hlis 2024.
Tamsim no Treasury Department tshaj tawm tias lawv yuav kom muaj ntaub tawv txog kev xa nyiaj mus txawv teb chaws txij li $3,000 dollas rov sauv nyob hauv Ramsey thiab Hennepin Counties vim tias nyob xeev Minnesota muaj kev dag nyiaj ntau heev.
Raws hais tawm los ntawm tshaj dav hlau, tsis ntev tom ntej, tejzaum yuav muaj ICE kuaj neeg ntaub ntawv nyob rau tom tshav dav hlau ua ntej thaum yav nyob hoom thiab thaum los tsaws. Lawv yuav tsis them nyiaj rau sawvdaws yog tias thaum poob nyob hoom vim yog ICE cov kev kuaj ntaub ntawv li no.
