Raws li paub, Chongly Thao niam yog Cua Thoj uas nyuam qhuav tag sim neej tsis ntev dhau los no. Cua Thoj yog tug Nurse los yog kws kho mob pab Hmoob thiab Asmeskas cov tub rog ua haujlwm rau CIA nyob rau lub sijhawm tso rognSecret War hauv Nplog teb.
Tsis yog Chongly xwb, muaj coob tus Hmoob raug ICE ntes nyob xeev Minnesota uas lawv yeej tsis muaj daim ntawv judicial warrant tso cai rau lawv ntes li. Tsis hais yog haiv neeg twg raug ICE ntes, pejxeem Asmeskas yeej tawm tsam tsis txhawb tej kev zoo li no.
Cov nomtswv nyob xeev Minnesotas hais tawm tias lawv yeej tsis pom zoo cia ICE tuaj rau xeev Minnesota. Ib tug ntawm cov nom hais los no yog Mayor Kaohly Her. Cov nom ntawm pab pawg Democrats tag nrho tawm tsam tsis kom ICE cia li tawm xeev Minnesota. Lawv pom tau tias kev ntes neeg zoo li no tsis ncaj cee khiav li lawm.
Sawv yeej pom hais tias lub weekend dhau los no, tus txiv neej Asmeskas hu ua Jake Lang tuaj coj ib pab neeg tuaj tawm tsam tsis nyiam cov neeg immigrants hauv nroog Minneapolis. Cov pejxeem tuaj tawm tsam ICE coob heev ua rau tus txiv neej Asmeskas no raug lawv thawb thiab cuam khoom kom nws khiav tawm mus. Tsis hnov thiab tsis paub tias tom ntej no cov neeg phem puas tuaj tawm tsam ntxiv lawm. Yog paub li cas los peb mam qhia rau sawvdaws.
Muaj coob leej ntau hu tuaj rau ntawm 3HmongTV hais tias peb cov coj noj coj ua nrog tej koomhaum vim li cas lawv thiaj li tsis tawm tuaj hais ib los rau pejxeem Hmoob. Pom tau tias muaj qee leej koom siab nrog pejxeem Asmekas tawm tsam ICE lawm tiamsis tsis tau pom cov koom haum Hmoob tuaj tham txog cov teebmeem no. Tag kis Hmoob 18 xeem npaj yuav tuaj rau tawm 3HmoobTV no. Tsis tas li hnub Wednesday yuav los no, lub koomhaumm CAAL los yog Coalition of Asian American Leaders yuav tuaj tham txog ICE thiab. Vam tias sawvdaws yuav tig los mloog kev sibtham. Yog hais tias muaj koomhaum xav tauj tham txoj resources los pab rau sawvdaws ntawm 3HmongTV, hu rau peb ntawm tus xovtooj no.
Xovxwm hais tawm tias, tamsim no Trump administration npaj yuav xa 1,500 tus tub rog Asmeskas tuaj rau xeev Minnesota yog tias pejxeem Minnesota pheej tawm tsam ICE mus tom ntej. Teebmeem ICE ntes pejxeem Minnesota tseem yuav muaj ntxiv vim tias muaj coob tshaj ntawm 3,000 tus ICE agents nyob hauv xeev Minnesota tamsim no. ICE ntes neeg nyob xeev Minnesota zaum no yog zaum loj tshaj plawm nyob rau tebchaws Asmeskas.
Nyob rau hnub Friday, lub 1/23, pejxeem Minnesota yuav tuaj tawm tsam uas lawv hu tias ICE OUT MINNESOTA. Lawv yuav tsis mus ua haujlwm, tsis mus kawv ntawv, thiab tsis mus kav kiab kav khw. Lawv yuav taug kev hauv Downtown Minneapolis thaum 2 teev tav su. Zaum no yuav yog zaum ua pejxeem tuaj tawm tsam coob tshaj plaws. Yog xav paub ntxiv mus saib ntawm cov website no:
Get information here: https://www.iceoutnowmn.com/
Register here: https://mobilize.us/s/E7PeH1
Donate here: https://givebutter.com/ICEOUT
Lub sijhawm tamsim no yog ib lub sijhawm kub ntxhov heev, sawvdaws mus txoj kev twg los yuav tsum ceeb faj tawm ib ncig.
