3HMONGTV Newsbrief | July 21, 2025

3HMONGTV NEWS (07-21-2025) – Nyob rau lub 7/19 dhau los no, raws li tub ceevxwm nyob hauv Sherburne County tau hais, muaj ib tug txiv neej muaj npe hu tias Zha Vang, 51 xyoos, nyob Elk River, raug tub ceevxwm ntes vim nws tua ob peb phom mus rau Sherburne County Governement Center ua ntej nws nqa phom nkag mus hauv lub tsev no thaum 9:30 sawv ntxov. Tsis muaj leejtwg raug mob dabtsi tiamsim tamsim no nws raug ntes mus kaw nyob rau hauv Sherburne County Jail uas tab tom yuav muab cov los xwj seb nws puas ua txhaum dabtsi ua ntej los yog tom qab nws nkag los huav Sherburne County Government Center. Tsis tau muab txim dabtsi rau Zha Vang.

Hnub no muaj ib qhov lub tshaj tawm los ntawm lub koom haum hu ua Immigrant Defense Network tsa muaj ib qho hu tias City Resolution Campaign los txwv tsis pub Trump Administration xa neeg rov qab uas cais ib tsev neeg li. Qhov nov yog ib qho ua los pib txoj cai tiv thaiv cov neeg immigrant los tshaj plaws nyob xeev Minnesota. Muaj ob peb tug City Council members tuaj tham txog tsis pom zoo rau ICE xa cov neeg nyob rau nroog Minneapolis, St. Paul, Colombia Heights, thiab lwm lub nroog rov qab. Lub koom haum Immigrant Defense Network muaj ntau tshaj 90 pab pawg nyob thoob plaws xeev Minnesota los nrhiav kev xaus tej kev xa neeg rov qab.

Tamsim no nyob xeev Minnesota yog nej leejtwg tso npe cuv xab laj kom tau license tua dais DNR twb xa ntawv tuaj qhia rau nej thawj lub week nyob rau 6 hli dhau los lawm. Yog xav paub tias seb koj puas raug xaiv, mus saib ntawm lub website li nej pom ntawm no. https://www.dnr.state.mn.us/licenses/lotteries/bear.html . Hnub kawg ntawm kev yuav pib tua dais yog hnub Friday, lub 8 hli ntuj hnub tim 1 yuav los no. Cov license uas muag tsis poob yuav muaj nyob rau lub 8 hli tim 6 thaum tav su. Kev mus tso zia tua dais yog lub 8 hli hnub tim 15. Caij nyoog tua dais yog lub 9 hlis hnub 1 mus txog 10 hli hnub 12.

Tamsim no xeev Wisconsin tab tom foob ib lub nonprofit txog coj nyiaj muab tuaj pab nrhiav kev tiv thaiv kabmob COVID-19. State of Wisconsin xwj kom tau ntau tshaj $660,000 nyiaj grant uas lub koomhaum refugee nonprofit no tau txais lawm tiamsis tsis muaj ntaub ntawv qhia seb cov nyiaj no siv li cas lawm. Lub koomhaum no yog Wisconsin United Coalition of Mutual Assistance Associations los yog WUCMAA. Tus state auditor los yog tus kuaj taug qab cov nyiaj no nrhiav tsis tau cov ntaub ntawv los proof tias cov nyiaj no muab siv li cas tawg lawm.  Raws li xovxwm hais ntxiv, tamsim no twb tsis muaj neeg ua haujlwm hauv lub koomhaum no lawm. Tus Executive Director twb hla tawm xyoo 2024 lawm. Tsis paub tias hnub twg yuav raug los hais plaub hauv court.